'ഹെലികോപ്റ്റര് ലൂയിസ്' ആയി മണിക്കുട്ടന്, 'കില്ലാടി മോഹനനാ'യി നോബി; പൊട്ടിച്ചിരിപ്പിച്ച് ബിഗ് ബോസ് ടാസ്ക്
കഴിഞ്ഞ രണ്ട് സീസണുകളിലേതിനേക്കാള് എണ്ണത്തില് ഏറെ വീക്കിലി ടാസ്കുകള് ഉള്പ്പെടുത്തിയതാണ് ബിഗ് ബോസ് മലയാളം സീസണ് 3. 24 ദിവസം പിന്നിട്ടതിനിടെ ഈ സീസണില് ഇതുവരെ മൂന്ന് വീക്കിലി ടാസ്കുകള് നടന്നു. എന്നാല് മത്സരാര്ഥികളുടെ കളി 'കയ്യാങ്കളി'യിലേക്ക് നീങ്ങിയതോടെ 'പൊന്ന് വിളയുന്ന മണ്ണ്' എന്ന കഴിഞ്ഞ വീക്കിലി ടാസ്ക് ബിഗ് ബോസ് റദ്ദാക്കിയിരുന്നു. എന്നാല് ഇന്നലെ ആരംഭിച്ച വീക്കിലി ടാസ്ക് അതില് നിന്നൊക്കെ ഏറെ രസകരവും മത്സരാര്ഥികളില് ചിലരുടെ മികവുറ്റ പ്രകടനംകൊണ്ട് പ്രേക്ഷകര്ക്ക് ഗംഭീര അനുഭവവുമായിരുന്നു.
'സര്വ്വകലാശാല' എന്ന് പേരിട്ടിരിക്കുന്ന വീക്കിലി ടാസ്കില് എണ്പതുകളിലെ ഒരു കോളെജ് ക്യാമ്പസ് ആയി ബിഗ് ബോസ് വീടി രൂപാന്തരം പ്രാപിക്കുകയായിരുന്നു. ആക്ടിവിറ്റി ഏരിയ ക്ലാസ് മുറിയായി മാറിയപ്പോള് ഗാര്ഡന് ഏരിയ കോളെജ് സ്റ്റാഫ് റൂം ആയും മാറി. പഠനത്തോടൊപ്പം കലാലയ രാഷ്ട്രീയവും തെരഞ്ഞെടുപ്പ് പ്രചരണങ്ങളും പ്രണയാഭ്യര്ഥനയും കോളെജ് ഡേയുമെല്ലാം ഇടകലര്ത്തിയുള്ള ഒരു കലാലയ അന്തരീക്ഷം സൃഷ്ടിക്കണം എന്നതായിരുന്നു മത്സരാര്ഥികള്ക്ക് ബിഗ് ബോസ് നല്കിയ നിര്ദ്ദേശം.
'സര്വ്വകലാശാല' എന്ന് പേരിട്ടിരിക്കുന്ന വീക്കിലി ടാസ്കില് എണ്പതുകളിലെ ഒരു കോളെജ് ക്യാമ്പസ് ആയി ബിഗ് ബോസ് വീടി രൂപാന്തരം പ്രാപിക്കുകയായിരുന്നു. ആക്ടിവിറ്റി ഏരിയ ക്ലാസ് മുറിയായി മാറിയപ്പോള് ഗാര്ഡന് ഏരിയ കോളെജ് സ്റ്റാഫ് റൂം ആയും മാറി. പഠനത്തോടൊപ്പം കലാലയ രാഷ്ട്രീയവും തെരഞ്ഞെടുപ്പ് പ്രചരണങ്ങളും പ്രണയാഭ്യര്ഥനയും കോളെജ് ഡേയുമെല്ലാം ഇടകലര്ത്തിയുള്ള ഒരു കലാലയ അന്തരീക്ഷം സൃഷ്ടിക്കണം എന്നതായിരുന്നു മത്സരാര്ഥികള്ക്ക് ബിഗ് ബോസ് നല്കിയ നിര്ദ്ദേശം.