ദൃശ്യത്തിന്റെ വിജയം ഭാഷകള് കടന്നുപോയി. കന്നഡയിലേക്ക് ദൃശ്യ എന്ന പേരില് റീമേക്ക് ചെയ്തു. പി വാസുവായിരുന്നു സംവിധാനം ചെയ്തത്. വി രവിചന്ദ്രൻ നായകനായപ്പോള് നവ്യ നായര് നായികയായി. ആശാ ശരത് കന്നഡയിലും അഭിനയിച്ചു. ഇളയരാജയായിരുന്നു സംഗീത സംവിധാനം നിര്വഹിച്ചത്. ചിത്രം കന്നഡയിലും വൻ ഹിറ്റായി. 2014 ജൂണ് 20ന് റിലീസ് ചെയ്ത ചിത്രത്തിലെ പ്രകടനത്തിന് രവിചന്ദ്രനും നവ്യ നായര്ക്കും വലിയ അഭിനന്ദനം ലഭിച്ചു. 100 ദിവസത്തിലധികം ചിത്രം തിയറ്ററുകളില് പ്രദര്ശിപ്പിച്ചു.
undefined
തെന്നിന്ത്യയും കടന്ന് ദൃശ്യം ഹിന്ദിയിലുമെത്തി. നിഷികാന്ത് കമ്മത്ത് ആയിരുന്നു ചിത്രം സംവിധാനം ചെയ്തത്. ഹിന്ദിയിലും വൻ വിജയമായിരുന്നു ചിത്രം സ്വന്തമാക്കിയത്. അജയ് ദേവ്ഗണ് നായകനായി. ശ്രിയ ശരണ് നായികയും.
undefined
ദൃശ്യം അതേപേരില് തന്നെയാണ് തെലുങ്കില് റിമേക്ക് ചെയ്ത് എത്തിയത്. ശ്രിപ്രിയ ആയിരുന്നു ചിത്രം സംവിധാനം ചെയ്തത്. വെങ്കടേഷ് നായകനായി എത്തി മികച്ച പ്രകടനം നടത്തി. മീന തന്നെയാണ് തെലുങ്കിലും നായികയായത്. ആശാ ശരത്തിന്റെ വേഷത്തില് നാദിയ അഭിനയിച്ചു. 2014ല് പ്രദര്ശനത്തിന് എത്തിയ ചിത്രം തെലുങ്കിലും വിജയമായി.
undefined
ടിവി കേബിള് ഓപ്പറേറ്ററായ ജോര്ജുകുട്ടിയുടെ കഥയായിരുന്നു ദൃശ്യം പറഞ്ഞത്. ചതിക്കാൻ ശ്രമിക്കുന്ന, അപമാനിക്കാൻ ശ്രമിക്കുന്ന യുവാവിനെ ജോര്ജുകുട്ടിയുടെ മകള് അഞ്ജു കൊല്ലുന്നു. അമ്മയെ രക്ഷിക്കാൻ ശ്രമിക്കുന്നതിനിടയിലാണ് യുവാവിനെ അഞ്ജു കൊല്ലുന്നത്. തന്റെ കുടുംബത്തിന് നേരെ വന്ന ശത്രുവിനെ കൊന്ന കാര്യം ജോര്ജുകുട്ടി മറ്റാരും അറിയാതിരിക്കാൻ ശ്രമിക്കുന്നു. ബുദ്ധിമാനായ ജോര്ജുകുട്ടി അതില് വിജയിക്കുകയും ചെയ്യുന്നു. ഒരു ഫാമിലി ത്രില്ലര് ചിത്രമായി എത്തിയ ദൃശ്യം തിയറ്ററുകളില് സൂപ്പര്ഹിറ്റായി. മോഹൻലാല് നായകനായപ്പോള് മീന നായികയായി. അൻസിബയും എസ്തറും മക്കളായി. ആശാ ശരത്, സിദ്ദിഖ് എന്നിവരും മികച്ച കഥാപാത്രങ്ങളുമായി. 2013ല് പ്രദര്ശനത്തിന് എത്തിയ ചിത്രം ആദ്യമായി അമ്പത് കോടിയിലധികം കളക്ഷൻ നേടിയ മലയാള ചിത്രവുമായി. ജീത്തു ജോസഫ് ഏറ്റവും ശ്രദ്ധ നേടിയ സംവിധായകനുമായി.
undefined
തമിഴില് പാപനാശം എന്ന പേരിലായിരുന്നു ദൃശ്യം റീമേക്ക് ചെയ്ത് എത്തിയത്. ജീത്തു ജോസഫ് തന്നെയായിരുന്നു സംവിധായകൻ. കമല്ഹാസനും ഗൗതമിയുമായിരുന്നു നായകനും നായികയും. നിവേദയും എസ്തറും മക്കളായി അഭിനയിച്ചു. തമിഴിലും ചിത്രം വലിയ രീതിയില് ആഘോഷിക്കപ്പെട്ടു.
undefined