ഒരു ഹിമാലയന്‍ ട്രക്കിംഗിനു വേണ്ട കോസ്റ്റ്യൂമിലാണ് പുറത്തെത്തിയ പുതിയ പോസ്റ്ററില്‍ മഞ്ജു വാര്യര്‍. ചിത്രത്തിലെ മായ എന്ന കഥാപാത്രം മഞ്ജു വാര്യരുടെ കരിയറിലെ വ്യത്യസ്തമായ വേഷമായിരിക്കുമെന്നാണ് കരുതപ്പെടുന്നത്.
undefined
ഈ സിനിമയുടെ ചിത്രീകരണത്തിനിടെ ഹിമാചലിലെ മഴയിലും മണ്ണിടിച്ചിലിലും മഞ്ജു വാര്യര്‍ ഉള്‍പ്പെട്ട സിനിമാസംഘം കുടുങ്ങിപ്പോയത് വാര്‍ത്താപ്രാധാന്യം നേടിയിരുന്നു. പിന്നീട് റോഡ് ഗതാഗതം പുനസ്ഥാപിച്ച ശേഷമാണ് ഇവര്‍ക്ക് മടങ്ങാനായത്.
undefined
ജോസഫ് എന്ന സിനിമയിൽ ശ്രദ്ധേയമായ വേഷം ചെയ്ത വേദ് വൈബ്സ്, പുതുമുഖം ഗൗരവ് രവീന്ദ്രൻ എന്നിവർ മറ്റു പ്രധാന കഥാപാത്രങ്ങളായെത്തുന്നു. ഇവരെക്കൂടാതെ സുജിത് കോയിക്കൽ, രതീഷ് ഈറ്റില്ലം, ദേവനാരായണൻ, സോനിത് ചന്ദ്രൻ, ആസ്ത ഗുപ്ത, അഷിത, നന്ദു ഠാക്കൂർ, ഭൂപേന്ദ്ര ഖുറാന എന്നിവരും മറ്റു വേഷങ്ങളിൽ എത്തുന്നു.
undefined
ചിത്രത്തിനുവേണ്ടി തയാറാക്കിയ അഹർസംസ എന്ന ഭാഷയാണ് മറ്റൊരു സവിശേഷത. ഈ ഭാഷയിൽ കയറ്റം എന്നതിനുള്ള വാക്കായ "അഹർ" ആണ് ചിത്രത്തിന്‍റെ മറ്റൊരു ടൈറ്റിൽ. അഹർ സംസയിലുള്ള പത്തു പാട്ടുകളിലൂടെ വ്യത്യസ്തമായ രീതിയിൽ കഥ പറയുന്ന സിനിമയുടെ ഗാനങ്ങൾ ചിട്ടപ്പെടുത്തുന്നത് രതീഷ് ഈറ്റില്ലമാണ്.
undefined
എല്ലാ ഗാനങ്ങളും ഷൂട്ടിംഗ് നടന്നിരുന്ന ഹിമാലയൻ ട്രെക്കിംഗ് സൈറ്റുകളിൽ ഓൺ ദി സ്പോട്ട് ഇംപ്രൊവൈസേഷൻ ആയിട്ടാണ് ചിട്ടപ്പെടുത്തിയിരിക്കുന്നത് എന്നതും ഒരു സവിശേഷതയാണ്.
undefined