നല്ല കഥാപാത്രങ്ങളുടെ കൂട്ടുകാരന്, സുരാജ് വെഞ്ഞാറമൂടിന് ആശംസകളുമായി താരങ്ങള്‍
First Published Jun 30, 2020, 2:26 PM ISTമലയാളത്തിന്റെ പ്രിയപ്പെട്ട താരമാണ് സുരാജ് വെഞ്ഞാറമൂട്. കോമഡി റോളുകളിലൂടെ എത്തി ഗൌരവമേറിയ കഥാപാത്രങ്ങള്‍ ചെയ്‍ത് മികച്ച നടനുള്ള ദേശീയ പുരസ്‍കാരം വരെ നേടിയ നടൻ. സുരാജ് വെഞ്ഞാറമൂടിന്റെ കോമഡി സിനിമകള്‍ക്ക് ഇന്നും പ്രേക്ഷകരുണ്ട്. ഗൗരവമേറിയ വേഷങ്ങള്‍ ചെയ്യുമ്പോഴും ആ പഴയ രസികത്തവും തമാശയും സുരാജ് കൈവിടുന്നില്ല. പ്രായത്തിലും കവിഞ്ഞ വേഷം ചെയ്യുന്നതുകൊണ്ട് മമ്മൂട്ടി വരെ ഗുണദോഷിച്ചിട്ടുണ്ടെന്ന് സുരാജ് തന്നെ പറഞ്ഞിട്ടുണ്ട്. മലയാളത്തിന്റെ പ്രിയങ്കരനായ സുരാജ് വെഞ്ഞാറമൂടിന് ജന്മദിനാശംസകളുമായി രംഗത്ത് എത്തിയിരിക്കുകയാണ് താരങ്ങളും ആരാധകരും.