ഈ ജ്യൂസ് തയ്യാറാക്കാനായി ആദ്യം വേണ്ടത് പച്ച ചീരയാണ്. ഭക്ഷണത്തില് നമ്മള് സ്ഥിരമായി ഉള്പ്പെടുത്തുന്ന ഒരു ഇലക്കറിയാണ് ചീര. ശരീരത്തിന് ആവശ്യമായ ധാരാളം പോഷകഗുണങ്ങളുള്ളതാണ് ഇവ. വിറ്റാമിന് എ, സി, ഇ, കെ, പൊട്ടാസ്യം, കാത്സ്യം തുടങ്ങിയ ഒട്ടേറെ ഘടകങ്ങള് അടങ്ങിയ ചീര പ്രതിരോധശേഷി വര്ധിപ്പിക്കാനും ഒപ്പം വണ്ണം കുറയ്ക്കാനും സഹായിക്കും. ഫൈബര് ധാരാളം അടങ്ങിയ ചീര കൊണ്ടുള്ള ജ്യൂസ് കുടിക്കുന്നത് വിശപ്പിനെ നിയന്ത്രിക്കാന് കഴിയും.
undefined
പണ്ടുമുതൽക്കേ ഉപയോഗിച്ചുവരുന്ന ഒരു ഔഷധ സസ്യമാണ് പുതിന. ഇടവിട്ടുള്ള ചുമ, ജലദോഷം, തുമ്മൽ എന്നിവ കുറയ്ക്കാൻ പുതിനയിലയിട്ട് തിളപ്പിച്ച വെള്ളം കുടിക്കുന്നത് ഏറെ നല്ലതാണെന്ന് പറയാറുണ്ട്. ആന്റിഓക്സിഡന്റുകള് ധാരാളം അടങ്ങിയ പുതിനയില രോഗപ്രതിരോധശേഷി വര്ധിപ്പിക്കാന് സഹായിക്കും.
undefined
വിറ്റാമിന് സി ധാരാളം അടങ്ങിയ നാരങ്ങ പ്രതിരോധശേഷി വര്ധിപ്പിക്കാന് സഹായിക്കും. അതുപോലെ തന്നെ, അതിരാവിലെ ഇളംചൂടുവെള്ളത്തില് നാരങ്ങാനീര് ഒഴിച്ചുകുടിക്കുന്നത് വണ്ണം കുറയ്ക്കാന് സഹായിക്കും.
undefined
പ്രതിരോധശേഷി കൂട്ടാനും വണ്ണം കുറയ്ക്കാനും സഹായിക്കുന്നതാണ് ഇഞ്ചി.
undefined
വിറ്റാമിന് സി ധാരാളം അടങ്ങിയ ആപ്പിളാണ് അവസാനമായി വേണ്ടത്. ഫൈബറും വിറ്റാമിനുകളും ആപ്പിളില് ധാരാളമായി അടങ്ങിയിട്ടുണ്ട്. ശരീരത്തിലെ അമിതമായ കൊഴുപ്പിനെ അകറ്റാനും ശരീരഭാരം നിയന്ത്രിക്കാനും ആപ്പിള് സഹായിക്കും.
undefined
ജ്യൂസ് തയ്യാറാക്കേണ്ട വിധം...ഒരു കപ്പ് ചീരയില, അര കപ്പ് പുതിനയില, രണ്ട് ടീസ്പൂണ് നാരങ്ങാനീര്, ഒരു ടീസ്പൂണ് ഇഞ്ചി ചതച്ചത്, അര കപ്പ് ആപ്പിള്, ഒരു കപ്പ് വെള്ളം എന്നിവയെല്ലാം കൂടി മിക്സിയിലിട്ട് നന്നായി അടിച്ചെടുക്കുക. ശേഷം ഈ ജ്യൂസ് ദിവസവുംകുടിക്കാം. അതുവഴി പ്രതിരോധശേഷി വര്ധിപ്പിക്കുകയും ശരീരഭാരം നിയന്ത്രിക്കുകയും ചെയ്യാം.
undefined