നോക്കൗട്ട് ഉറപ്പിച്ച ബ്രസീലിന്റെ എതിരാളികളെ നിർണ്ണയിക്കുന്നത് ഗ്രൂപ്പ് എഫിലെ അവസാന മത്സരങ്ങളാണ്. നെതർലൻഡ്സ്, ജപ്പാൻ, സ്വീഡൻ എന്നിവർ നോക്കൗട്ട് സാധ്യതകൾ നിലനിർത്തുന്നതിനാൽ ഗ്രൂപ്പിലെ രണ്ടാം സ്ഥാനക്കാർ ആരാകുമെന്ന് ഫുട്ബോൾ ലോകം ഉറ്റുനോക്കുന്നു.
ലോകകപ്പ് ഫുട്ബോളിൽ ഇതിനകം തന്നെ നോക്കൗട്ട് (റൗണ്ട് ഓഫ് 32) യോഗ്യത ഉറപ്പാക്കിയ മുൻ ചാമ്പ്യന്മാരായ ബ്രസീലിനെ കാത്തിരിക്കുന്നത് ആരാകുമെന്ന് നാളെ പുലര്ച്ചെ 4.30ന് നടക്കുന്ന ഗ്രൂപ്പ് എഫിലെ അവസാന ഘട്ട മത്സരങ്ങളോടെ അന്തിമ തീരുമാനമാകും.
29
നെതര്ലൻഡ്സോ അതോ ജപ്പാനോ
ഗ്രൂപ്പ് സി ചാമ്പ്യന്മാരായ ബ്രസീലിന് ഗ്രൂപ്പ് എഫിലെ രണ്ടാം സ്ഥാനക്കാരാണ് അടുത്ത റൗണ്ടിൽ എതിരാളികളായി വരുന്നത്. നിലവിൽ രണ്ട് മത്സരങ്ങളിൽ നിന്ന് 4 പോയിന്റ് വീതമുള്ള നെതർലൻഡ്സും ജപ്പാനും, 3 പോയിന്റുള്ള സ്വീഡനും നോക്കൗട്ട് സാധ്യതകളിൽ സജീവമാണ്. രണ്ട് കളിയും തോറ്റ ടുണീഷ്യ ഇതിനകം പുറത്തായിക്കഴിഞ്ഞു. അതുകൊണ്ട് തന്നെ ഗ്രൂപ്പ് ചാമ്പ്യന്മാരാകുന്നതിനേക്കാൾ, ബ്രസീലിന് മുന്നിൽ പെടുന്ന ആ 'രണ്ടാം സ്ഥാനക്കാർ' ആരാകുമെന്നാണ് ഫുട്ബോൾ ലോകം ഉറ്റുനോക്കുന്നത്.
39
ബ്രസീലിനെ ഒഴിവാക്കാൻ നെതര്ലന്ഡ്സിന് വേണ്ടത്
റൗണ്ട് ഓഫ് 32-ൽ കരുത്തരായ ബ്രസീലിനെ ഒഴിവാക്കാൻ നെതർലൻഡ്സിന് കാര്യങ്ങൾ ലളിതമാണ്. ഇന്ന് ടുണീഷ്യക്കെതിരെ മികച്ച മാർജിനിൽ വിജയിക്കുക, ഒപ്പം ജപ്പാൻ സ്വീഡനെതിരെ വലിയ ഗോള് വ്യത്യാസത്തില് ജയിക്കാതിരിക്കുകയോ സമനില വഴങ്ങുകയോ വേണം.
49
നെതർലൻഡ്സും ജപ്പാനും ജയിച്ചാൽ
ഇരു ടീമുകളും ഇന്ന് വിജയിക്കുകയാണെങ്കിൽ ഗോൾ ശരാശരിയായിരിക്കും ഗ്രൂപ്പ് ജേതാക്കളെ തീരുമാനിക്കുക. നിലവിൽ ഇരുവർക്കും പ്ലസ് 4 ആണ് ഗോൾ വ്യത്യാസമെങ്കിലും, ഒരു ഗോൾ കൂടുതൽ അടിച്ചിട്ടുള്ള ഡച്ച് പടയ്ക്ക് നേരിയ മുൻതൂക്കമുണ്ട്. എന്നാൽ ജപ്പാൻ കൂടുതൽ ഗോളുകൾ നേടി ജയിച്ചാൽ അവര് ഗ്രൂപ്പ് ചാമ്പ്യന്മാരാകുകയും നെതർലൻഡ്സ് രണ്ടാമതായി ബ്രസീലിന്റെ മുന്നിലെത്തുകയും ചെയ്യും.
59
നെതര്ലന്ഡ്സ് സമനില വഴങ്ങിയാൽ
ഇനി നെതർലൻഡ്സ് ടുണീഷ്യയോട് അപ്രതീക്ഷിതമായി സമനില വഴങ്ങുകയും, സ്വീഡനോ ജപ്പാനോ ജയിക്കുകയും ചെയ്താൽ നെതർലൻഡ്സ് ഗ്രൂപ്പിൽ രണ്ടാമതാവുകയും നേരിട്ട് ബ്രസീലിന് മുന്നിൽ പെടുകയും ചെയ്യും.
69
ജപ്പാനും സ്വീഡനും സാധ്യതകൾ ഇങ്ങനെ
സ്വീഡനെതിരെ ഇന്ന് സമനില വഴങ്ങിയാൽ പോലും ജപ്പാന് നോക്കൗട്ട് ഉറപ്പാണ്, പക്ഷേ അങ്ങനെ വന്നാൽ അവർ രണ്ടാം സ്ഥാനക്കാരായി നോക്കൗട്ടിൽ ബ്രസീലിന്റെ എതിരാളികളാകും. സ്വീഡനെ നെതർലൻഡ്സിനേക്കാൾ കൂടുതൽ ഗോൾ വ്യത്യാസത്തിൽ തോൽപ്പിച്ചാൽ ജപ്പാന് ഗ്രൂപ്പ് ചാമ്പ്യന്മാരായി മുന്നേറാം.
79
സ്വീഡന് കാര്യങ്ങൾ സിംപിൾ
സ്വീഡന് നേരിട്ട് നോക്കൗട്ട് ഉറപ്പിക്കണമെങ്കിൽ ഇന്ന് ജപ്പാനെ വീഴ്ത്തണം. ജയിച്ചാൽ അവർക്ക് 6 പോയിന്റാകും. നെതർലൻഡ്സ് കൂടി ഇന്ന് തോൽക്കുകയോ സമനില വഴങ്ങുകയോ ചെയ്താൽ സ്വീഡന് ഗ്രൂപ്പ് ചാമ്പ്യന്മാരാകാം.
89
സ്വീഡന് മുന്നിലുള്ള വഴി
ഇന്ന് നെതർലൻഡ്സും സ്വീഡനും ഒരുമിച്ച് ജയിക്കുകയാണെങ്കിൽ സ്വീഡൻ രണ്ടാം സ്ഥാനക്കാരായി ബ്രസീലിന് മുന്നിലെത്തും. മത്സരത്തിൽ തോറ്റാൽ സ്വീഡന്റെ വഴി പൂർണ്ണമായി അടയും.
99
എന്തും സംഭവിക്കാം
ടുണീഷ്യയെ തോൽപ്പിച്ച് ഡച്ച് പടയും സമുറായ് വീര്യവുമായി ജപ്പാനും ഇന്ന് നേർക്കുനേർ പോരാട്ടങ്ങൾക്ക് ഇറങ്ങുമ്പോൾ ഗ്രൂപ്പ് എഫിൽ എന്തും സംഭവിക്കാം. അതുകൊണ്ട് തന്നെ ഫൈനൽ വിസിൽ മുഴങ്ങുന്നത് വരെ പ്രവചനങ്ങൾ അസാധ്യമാണ്!
ഏഷ്യാനെറ്റ് ന്യൂസ് മലയാളത്തിലൂടെ Sports News അറിയൂ. Football News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ എല്ലാം ഇപ്പോൾ Asianet News Malayalam മലയാളത്തിൽ തന്നെ!
