സ്ട്രെസ് കുറയ്ക്കാനും നല്ല ഉറക്കം ലഭിക്കാനും ചെയ്യേണ്ട 6 കാര്യങ്ങൾ

ശരീരത്തിലെ കോർട്ടിസോൾ എന്ന സ്ട്രെസ് ഹോർമോണിന്റെ അളവ് കുറയ്ക്കാനും, നാഡീവ്യൂഹത്തിന് ശാന്തത നൽകി മികച്ച ഉറക്കം ലഭിക്കാനും സഹായിക്കുന്ന 6 എളുപ്പവഴികൾ ഇതാണ്.

അശ്വഗന്ധ

മാനസിക സമ്മർദ്ദം കുറയ്ക്കാനും അഡ്രിനൽ ഗ്രന്ഥികളുടെ പ്രവർത്തനം മെച്ചപ്പെടുത്താനും അശ്വഗന്ധ സഹായിക്കും. ഇതിനൊപ്പം ഇഞ്ചി, തുളസി, മഞ്ഞൾ, കുരുമുളക് എന്നിവ ചേർത്ത ഹെർബൽ ഷോട്ടുകൾ കഴിക്കുന്നത് നാഡീവ്യൂഹത്തെ ശാന്തമാക്കുകയും ഉറക്കം മെച്ചപ്പെടുത്തുകയും ചെയ്യും.

മഞ്ഞൾ ചേർത്ത പാൽ

രാത്രി ഉറങ്ങുന്നതിന് മുൻപ് ചൂടുള്ള മഞ്ഞൾപ്പാൽ കുടിക്കുന്നത് ശരീരത്തിന് ഏറെ നല്ലതാണ്. മഞ്ഞളിലടങ്ങിയിരിക്കുന്ന കുർകുമിൻ ശരീരത്തിലെ വീക്കവും അസ്വസ്ഥതകളും കുറയ്ക്കാൻ സഹായിക്കുന്നു.

ചൂടുവെള്ളത്തിൽ കാൽ മുക്കിവെയ്ക്കാം

കിടക്കുന്നതിന് മുൻപ് ചെറുചൂടുവെള്ളത്തിൽ കാലുകൾ കുറച്ചു സമയം മുക്കിവെക്കുന്നത് ശരീരത്തിലെ രക്തയോട്ടം വർദ്ധിപ്പിക്കുകയും പേശികൾക്ക് വിശ്രമം നൽകുകയും ചെയ്യുന്നു. ഇത് ശരീരത്തെ റെസ്റ്റ്-ആൻഡ്-റിക്കവർ ഘട്ടത്തിലേക്ക് നയിക്കും. രാത്രിയിലെ ചെറുചൂടുവെള്ളത്തിലെ കുളിയും ഉറക്കത്തിന് ഏറെ അനുയോജ്യമാണ്.

മൈൻഡ് ഡി-ക്ലട്ടറിംഗ്

ഉറങ്ങുന്നതിന് മുൻപ് അന്നത്തെ ചിന്തകളും ആശങ്കകളും ഡയറിയിൽ കുറിച്ചുവെക്കുന്നത് മാനസിക ഭാരം കുറയ്ക്കാൻ സഹായിക്കും.

രാത്രിയിലെ സ്ക്രീൻ ഉപയോഗം കുറയ്ക്കൽ

ഉറങ്ങുന്നതിന് കുറഞ്ഞത് ഒരു മണിക്കൂർ മുൻപെങ്കിലും മൊബൈൽ ഫോൺ, ലാപ്ടോപ്പ്, ടിവി എന്നിവയുടെ ഉപയോഗം പൂർണ്ണമായി ഒഴിവാക്കുക. ഇവയിൽ നിന്നുള്ള നീലവെളിച്ചം ഉറക്കത്തിന് സഹായിക്കുന്ന മെലറ്റോണിൻ ഹോർമോണിന്റെ ഉത്പാദനത്തെ തടസ്സപ്പെടുത്തുന്നു.