ശരീരത്തിലെ ഈ അസാധാരണ മാറ്റങ്ങൾ ക്യാൻസറിന്റേതാകാം

ക്യാൻസർ രോഗബാധയെ തുടർന്ന് നിരവധി ആളുകളാണ് ദിവസവും മരിക്കുന്നത്. ആരംഭ ഘട്ടത്തിൽ തന്നെ ക്യാൻസർ ലക്ഷണങ്ങൾ തിരിച്ചറിയുന്നത് ചികിത്സ എളുപ്പമാക്കാനും രോഗം ഭേദമാക്കാനും സഹായിക്കുന്നു. പ്രധാനമായും ശ്രദ്ധിക്കേണ്ട കാര്യങ്ങൾ ഇതാണ്.

ക്ഷീണം

നല്ല ഉറക്കം ലഭിച്ചതിന് ശേഷവും നിങ്ങൾക്ക് വിട്ടുമാറാത്ത ക്ഷീണം അനുഭവപ്പെടുന്നത് ക്യാൻസറിന്റെ ലക്ഷണമാകാം. നിരന്തരമായി ക്ഷീണം ഉണ്ടായാൽ ശ്രദ്ധിക്കണം.

ശരീരഭാരം കുറയുക

പെട്ടെന്ന് ശരീരഭാരം കുറയുന്നതും ക്യാൻസറിന്റെ ലക്ഷണമാണ്. അമിതമായ ശരീരഭാരം കുറയുന്നത് നല്ലതാണെങ്കിലും അസാധാരണമായി കുറയുന്നത് കണ്ടാൽ ശ്രദ്ധിക്കേണ്ടതുണ്ട്.

വയറുവേദന

ചിലതരം ക്യാൻസറിന്റെ ലക്ഷണമാണ് കഠിനമായ വയറുവേദന. സ്ഥിരമായി ഇത് വരുന്നുണ്ടെങ്കിൽ ശ്രദ്ധിക്കണം.

ചുമ

പനി വന്നതിന് ശേഷവും 8 ആഴ്ചയിൽ കൂടുതൽ ചുമ നിൽക്കുന്നുണ്ടെങ്കിൽ ശ്രദ്ധിക്കണം. ഇത് ചിലതരം ക്യാൻസറിന്റെ ലക്ഷണങ്ങളാവാം.

ചർമ്മത്തിൽ ഉണ്ടാകുന്ന മാറ്റങ്ങൾ

ചർമ്മത്തിൽ ഉണ്ടാകുന്ന ചില മാറ്റങ്ങളും ക്യാൻസറിന്റെ ലക്ഷണങ്ങളാവാൻ സാധ്യതയുണ്ട്. അസാധാരണമായി കാണുന്ന മാറ്റങ്ങൾ ശ്രദ്ധിക്കാതെ പോകരുത്.

വേദന അനുഭവപ്പെടുക

ശരീരത്തിൽ വിട്ടുമാറാത്ത വേദന അനുഭവപ്പെടുന്നതും ക്യാൻസറിന്റെ ലക്ഷണമാകാം. ഇത്തരം ലക്ഷണങ്ങളെ ഒരിക്കലും അവഗണിക്കരുത്.