ഹെർണിയയെ അവഗണിക്കരുത്; പലരും ശ്രദ്ധിക്കാത്ത സൂചനകള്‍

ആന്തരിക അവയവമോ കോശങ്ങളോ അതിനെ പൊതിഞ്ഞിരിക്കുന്ന പേശികളിലെ ദുർബലമായ ഭാഗത്തുകൂടി പുറത്തേക്ക് തള്ളിവരുമ്പോഴാണ് ഹെർണിയ ഉണ്ടാകുന്നത്. ഹെർണിയ തുടക്കത്തിൽ നിരുപദ്രവകരമായി തോന്നാമെങ്കിലും, അത് അവഗണിക്കുന്നത് ഗുരുതരമായ ആരോഗ്യപ്രശ്നങ്ങളിലേക്ക് നയിച്ചേക്കാം.

ഹെർണിയയെ അവഗണിക്കരുത്; പലരും ശ്രദ്ധിക്കാത്ത സൂചനകള്‍

ആളുകൾ ശ്രദ്ധിക്കാതെ വിടുന്ന ഹെർണിയയുടെ പ്രാരംഭ ലക്ഷണങ്ങൾ എന്തൊക്കെയാണെന്ന് നോക്കാം.

മുഴ

നിൽക്കുമ്പോഴോ ആയാസപ്പെടുമ്പോഴോ വയറിലോ അടിവയറ്റിലോ കാണുന്ന മുഴ, കിടക്കുമ്പോൾ അപ്രത്യക്ഷമാകുന്നത്.

വേദന

ഭാരം ഉയർത്തുമ്പോഴോ, ചുമയ്ക്കുമ്പോഴോ, കൂടുതൽ നേരം നിൽക്കുമ്പോഴോ ആ ഭാഗത്ത് ക്രമേണ വർദ്ധിക്കുന്ന വേദന.

ഭാരക്കൂടുതല്‍

അടിവയറ്റിലോ വയറിലോ ഭാരക്കൂടുതലോ വലിച്ചിലോ അനുഭവപ്പെടുന്നത്.

വയറുവീർക്കൽ

വയറുവീർക്കൽ കൂടാതെ/അല്ലെങ്കിൽ മലബന്ധം, പ്രത്യേകിച്ച് വയറിലെ ഹെർണിയയുടെ കാര്യത്തിൽ.

നെഞ്ചെരിച്ചിൽ

ആസിഡ് റിഫ്ലക്സ് അല്ലെങ്കിൽ നെഞ്ചെരിച്ചിൽ ഹെർണിയയുടെ ലക്ഷണമാകാം.

എപ്പോഴാണ് ഹെർണിയക്ക് അടിയന്തര ചികിത്സ വേണ്ടത്?

ഹെർണിയ കുടുങ്ങിക്കിടക്കുകയോ അല്ലെങ്കിൽ അതിലേക്കുള്ള രക്തയോട്ടം നിലയ്ക്കുകയോ ചെയ്യുമ്പോൾ അത് ആരോഗ്യത്തിന് അപകടകരമാണ്. ഇവ രണ്ടും അടിയന്തര ശസ്ത്രക്രിയ ആവശ്യമുള്ള അവസ്ഥകളാണ്.

അപകട സൂചനകൾ ഇവയാണ്:

പെട്ടെന്ന് കൂടുന്ന കഠിനമായ വേദന, മുഴയ്ക്ക് ചുറ്റും ചുവപ്പ്, വേദന അല്ലെങ്കിൽ ചൂട്, ഓക്കാനം അല്ലെങ്കിൽ ഛർദ്ദി, കീഴ്ശ്വാസം വിടാനോ മലവിസർജ്ജനം നടത്താനോ കഴിയാത്ത അവസ്ഥ, പനി അല്ലെങ്കിൽ അണുബാധയുടെ മറ്റ് ലക്ഷണങ്ങൾ.

ശ്രദ്ധിക്കുക:

മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.