ശരീരത്തിലെ ഏറ്റവും പ്രധാനപ്പെട്ട അവയവങ്ങളിലൊന്നാണ് കരൾ. മറ്റ് അവയവങ്ങൾ പോലെ തന്നെ കരളിന്റെ ആരോഗ്യം ശ്രദ്ധിക്കേണ്ടത് വളരെ അത്യാവശ്യമാണ്. കരളിനെ ബാധിക്കുന്ന ഗുരുതര രോഗമാണ് ലിവര്‍ സിറോസിസ്. ഇത് കരളിലെ ആരോഗ്യകരമായ കോശങ്ങളെ നശിപ്പിക്കുകയും കരളിന്റെ പ്രവർത്തനത്തെ ദോഷകരമായി ബാധിക്കുകയും ചെയ്യുന്നു.
ദീർഘകാലമായി കരൾ തകരാറിലായതിനാൽ കരളിൽ ഉണ്ടാകുന്ന പാടുകൾ (ഫൈബ്രോസിസ്) ആണ് സിറോസിസ്. സ്കാർ ടിഷ്യു കരളിന്റെ ശരിയായ പ്രവർത്തനത്തെ തടയുന്നു. കരളിനെ ബാധിക്കുന്ന ഹെപ്പറ്റൈറ്റിസ് പോലുള്ള അവസ്ഥകളിൽ നിന്നുള്ള കേടുപാടുകളുടെ മറ്റ് ഘട്ടങ്ങൾക്ക് ശേഷം സംഭവിക്കുന്നതിനാൽ സിറോസിസിനെ ചിലപ്പോൾ അവസാന ഘട്ട കരൾ രോഗം എന്ന് വിളിക്കുന്നു.
ശരീരത്തിലെ രക്തം കരളിലൂടെ ഫിൽട്ടർ ചെയ്യപ്പെടുന്നു. മയോ ക്ലിനിക്ക് പറയുന്നതനുസരിച്ച് കൈകളിലെ ചില ലക്ഷണങ്ങൾ ലിവർ സിറോസിസിന്റെ ലക്ഷണങ്ങളാകാമെന്ന് ചൂണ്ടിക്കാട്ടുന്നു. രക്തക്കുഴലുകളുടെ വികാസം കാരണം കൈപ്പത്തിയിൽ ചുവപ്പ് പാട് കാണുന്നത് സിറോസിന്റെ പ്രധാനപ്പെട്ട ലക്ഷണമായാണ് വിദഗ്ധർ പറയുന്നത്. കരൾ ശരിയായി പ്രവർത്തിക്കാതെ വരുമ്പോൾ നഖങ്ങൾക്ക് നിറവ്യത്യാസം ഉണ്ടാകാം.
'ഫിംഗർ ക്ലബിംഗ്' ആണ് മറ്റൊന്ന്. സാധാരണയായി രണ്ട് കൈകളിലെയും വിരലുകളുടെ മുകൾ ഭാഗത്തെ ബാധിക്കുന്നു. കൂടാതെ കാൽവിരലുകളെ ബാധിക്കാമെന്ന് ക്യാൻസർ റിസർച്ച് യുകെ വ്യക്തമാക്കുന്നു. ക്ഷീണം, വിശപ്പില്ലായ്മ, കാലുകൾ, പാദങ്ങങ്ങളിൽ വീക്കം, മഞ്ഞപ്പിത്തം എന്നിവ സിറോസിന്റെ മറ്റ് ലക്ഷണങ്ങളാണ്. കരൾ സിറോസിസ് നേരത്തേ കണ്ടുപിടിക്കുകയും ചികിത്സിക്കുകയും ചെയ്താൽ ഭേദമാക്കാനാകുമെന്ന് വിദഗ്ധർ പറയുന്നു.
ഫാറ്റി ലിവർ രോഗത്തിന്റെ ലക്ഷണങ്ങളെ കുറിച്ച് ബോധവാന്മാരാകുന്നതിനു പുറമേ, ഈ അവസ്ഥ വികസിപ്പിക്കുന്നതിനുള്ള സാധ്യത വർദ്ധിപ്പിക്കുന്ന ഘടകങ്ങളും ശ്രദ്ധിക്കേണ്ടത് പ്രധാനമാണ്. പൊണ്ണത്തടി അല്ലെങ്കിൽ അമിതഭാരം, ടൈപ്പ് 2 പ്രമേഹം, ഇൻസുലിൻ പ്രതിരോധം, പ്രവർത്തനരഹിതമായ തൈറോയ്ഡ്, ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ, മെറ്റബോളിക് സിൻഡ്രോം എന്നിവയെല്ലാം വിവിധ കരൾ രോഗങ്ങൾക്കുള്ള ചില കാരണങ്ങളാണ്.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.