യുവാക്കളിലെ കോളൻ ക്യാൻസർ; തിരിച്ചറിയാം ഈ ലക്ഷണങ്ങള്‍

വൻകുടലിൽ വളരുന്ന അർബുദമാണ് കോളൻ ക്യാൻസർ. വൻകുടലിൽ മലദ്വാരത്തോടു ചേർന്ന ഭാഗത്താണ് കോളൻ ക്യാന്‍സര്‍ കൂടുതലായി കണ്ടുവരുന്നത്. ജീവിത ശൈലിയിലെ മാറ്റങ്ങള്‍, മാറിയ ഭക്ഷണരീതി, അമിത വണ്ണം, മദ്യപാനം, വ്യായാമക്കുറവ് തുടങ്ങിയവ ഇതിനെ സ്വാധീനിക്കുന്നു.

യുവാക്കളിലെ കോളൻ ക്യാൻസർ; തിരിച്ചറിയാം ഈ ലക്ഷണങ്ങള്‍

കോളൻ ക്യാൻസറിന്‍റെ പ്രധാനപ്പെട്ട ലക്ഷണങ്ങളെ തിരിച്ചറിയാം.

മലാശയ രക്തസ്രാവം

മലം രക്തം കലർന്ന് പോകുന്നത്, മലം കറുത്ത് പോകുന്നത്, മലദ്വാരത്തില്‍ നിന്ന്‌ രക്തമൊഴുക്ക്‌ എന്നിവ കോളൻ ക്യാൻസറിന്‍റെ പ്രധാന ലക്ഷണമാണ്.

മലബന്ധം

മലവിസർജ്ജന ശീലങ്ങളിലെ മാറ്റങ്ങൾ, മലബന്ധം, ഇടയ്‌ക്കിടെ വയര്‍ ഒഴിയണമെന്ന തോന്നല്‍ തുടങ്ങിയവ കോളൻ ക്യാൻസറിന്‍റെ സൂചനയാകാം.

വയറിളക്കം

വയര്‍ വേദന, ഗ്യാസ്‌, വയറിളക്കം തുടങ്ങിയവയും വൻകുടൽ ക്യാൻസറിന്‍റെ സൂചനകളാകാം.

വിളര്‍ച്ച

രക്തക്കുറവ് മൂലമുള്ള ക്ഷീണം, വിശപ്പിലായ്മ തുടങ്ങിയവയൊക്കെ ഇതുമൂലമുണ്ടാകാം.

അകാരണമായി ശരീരഭാരം കുറയുക

മറ്റ് ലക്ഷണങ്ങള്‍ക്കൊപ്പം അകാരണമായി ശരീരഭാരം കുറയുന്നതും വൻകുടൽ ക്യാൻസറിന്‍റെ ലക്ഷണമാണ്.

ശ്രദ്ധിക്കുക:

മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.