പുകവലി ഒഴിവാക്കാം: സിഗററ്റിലും മറ്റുമുള്ള കാര്‍സിനോജനുകളും കാര്‍ബണ്‍ മോണോക്‌സൈഡും ആര്‍ട്ടറികളില്‍ കൊളസ്ട്രോള് വര്‍ദ്ധിക്കാന്‍ കാരണമാകുന്നു. കൊളസ്ട്രോള് ഉണ്ടെന്ന് വ്യക്തമായാല്‍ നിര്‍ബന്ധമായും പുകവലി അവസാനിപ്പിക്കേണ്ടതാണ്.
undefined
വ്യായാമം ശീലമാക്കൂ: കൊളസ്ട്രോള് നിയന്ത്രിക്കുന്നതില്‍ വ്യായാമം നിര്‍ണായക പങ്ക് വഹിക്കുന്നു. ദിവസം 30 മിനിറ്റ് വ്യായാമം ചെയ്യാൻ സമയം കണ്ടെത്തുക. ചീത്ത കൊളസ്ട്രോള് കുറയ്ക്കുന്നതിനും നല്ല കൊളസ്‌ട്രോളിന്റെ അളവ് കൂട്ടുന്നതിനും ഇത് പ്രധാനമാണ്.
undefined
കൊഴുപ്പുള്ള ഭക്ഷണങ്ങൾ വേണ്ട: കൊഴുപ്പേറിയ ഭക്ഷണം പരമാവധി ഒഴിവാക്കുക. രക്തക്കുഴലുകളിലും ഹൃദയധമനികളിലും കൊഴുപ്പ് അടിഞ്ഞുകൂടുന്നത് രക്തത്തിലെ കൊളസ്‌ട്രോളിന്റെ അളവ് വര്‍ദ്ധിക്കാന്‍ കാരണമാകും.
undefined
അമിതവണ്ണം കുറയ്ക്കാം: അമിതവണ്ണമുള്ളവരില്‍ കൊളസ്‌ട്രോളിന്റെ അളവ് കൂടാനുള്ള സാധ്യതയേറെയാണ്. കൊളസ്ട്രോള് ഉണ്ടെന്ന് കണ്ടെത്തിയാല്‍ വണ്ണമുള്ളവര്‍ വണ്ണം കുറയ്ക്കാന്‍ ശ്രദ്ധിക്കുക. മതിയായ വ്യായാമത്തിലൂടെയും ഭക്ഷണം നിയന്ത്രിച്ചും വണ്ണം കുറയ്ക്കാനാകും.
undefined
ഇലക്കറികള്‍ ഉൾപ്പെടുത്തൂ: ഭക്ഷണത്തില്‍ ഇലക്കറികള്‍ ധാരാളമായി ഉള്‍പ്പെടുത്തുന്നത് കൊളസ്ട്രോള് നിയന്ത്രിക്കാൻ സഹായിക്കുന്നു. ഇലക്കറികളില്‍ ഫ്‌ലാവനോയ്ഡ് ഘടകങ്ങള്‍ ധാരാളമുണ്ട്. ഇവ കൊളസ്ട്രോള് നിയന്ത്രിക്കുകയും, ഹൃദ്രോഗം, ക്യാന്‍സര്‍ എന്നിവയെ പ്രതിരോധിക്കുകയും ചെയ്യും.
undefined
മത്സ്യം കഴിക്കൂ: കൊളസ്ട്രോള് നിയന്ത്രിക്കുന്നതില്‍ മത്സ്യം പ്രധാന പങ്കുവഹിക്കുന്നു. മത്സ്യത്തില്‍ അടങ്ങിയിട്ടുള്ള ഒമേഗ ത്രീ ഫാറ്റി ആസിഡ് ചീത്ത കൊളസ്‌ട്രോളിനെ നിയന്ത്രിക്കുകയും നല്ല കൊളസ്‌ട്രോളിന്റെ അളവ് വര്‍ദ്ധിപ്പിക്കുകയും ചെയ്യുന്നു.
undefined