World Brain Tumor Day 2022 : ബ്രെയിൻ ട്യൂമർ; ഈ ഭക്ഷണങ്ങൾ നിർബന്ധമായും കഴിക്കണം

തലച്ചോറിലെ അസാധാരണമായ കോശങ്ങളുടെ പിണ്ഡം അല്ലെങ്കിൽ വളർച്ചയാണ് ബ്രെയിൻ ട്യൂമർ. ബ്രെയിൻ ട്യൂമറുകൾ തലച്ചോറിൽ ആരംഭിക്കാം അല്ലെങ്കിൽ ക്യാൻസർ നിങ്ങളുടെ ശരീരത്തിന്റെ മറ്റ് ഭാഗങ്ങളിൽ ആരംഭിച്ച് തലച്ചോറിലേക്ക് വ്യാപിക്കാം.തലവേദന, ഛര്‍ദ്ദി, തലകറക്കം, ശരീരത്തിന്റെ ഒരു ഭാഗം തളരുക, അപസ്മാരം, ഓര്‍മ്മക്കുറവ് എന്നിവയാണ് പൊതുവെ കാണുന്ന രോഗലക്ഷണങ്ങള്‍. രോഗിയുടെ പ്രായം, ആരോഗ്യം, ട്യൂമര്‍ തലച്ചോറില്‍ എവിടെ സ്ഥിതി ചെയ്യുന്നു, പ്രൈമറി ബ്രെയ്ന്‍ ട്യൂമര്‍ ആണോ അതോ മെറ്റാസ്റ്റാറ്റിക് ആണോ എന്നീ ഘടകങ്ങളെ അനുസരിച്ചാണ് ചികിത്സ തീരുമാനിക്കുക. ബ്രെയ്ന്‍ ട്യൂമര്‍ തലച്ചോറിലെ ഏതു ഭാഗത്താണ് എന്നതിനെ അനുസരിച്ചു രോഗലക്ഷണങ്ങള്‍ വ്യത്യസ്തമാവാം.

ഒരു ബ്രെയിൻ ട്യൂമർ രോഗിക്ക് ചികിത്സ കാരണം വിശപ്പ് കുറയുന്നു. എന്നിരുന്നാലും, അണുബാധകൾക്കെതിരെ പോരാടുന്നതിന് ശക്തി നിലനിർത്താനും ഊർജ്ജത്തിന്റെ അളവ് ഉയർത്താനും അത് അത്യന്താപേക്ഷിതമാണ്. അതിനാൽ ഭക്ഷണത്തിൽ ആപ്പിൾ, പനീർ,പച്ചക്കറികൾ, പോഷക സപ്ലിമെന്റുകൾ, മിൽക്ക് ഷേക്ക്, സ്മൂത്തികൾ, ധാന്യങ്ങൾ എന്നിവ ചേർക്കുക. 

ആവശ്യമായ എല്ലാ പോഷകങ്ങളും ലഭിക്കുന്നതിന് സമീകൃതാഹാരം പിന്തുടരുക. വൈവിധ്യമാർന്ന വർണ്ണാഭമായ പഴങ്ങൾ, പച്ചക്കറികൾ, ധാന്യങ്ങൾ, പയർ,  മാംസം, മറ്റ് ആരോഗ്യകരമായ ഭക്ഷണങ്ങൾ എന്നിവ ചേർക്കുക. 

അണുബാധയ്‌ക്കെതിരെ പോരാടാൻ ആന്റിഓക്‌സിഡന്റുകൾ സഹായിക്കും. ആവശ്യമായ അളവിൽ വിറ്റാമിൻ എ, വിറ്റാമിൻ സി, വിറ്റാമിൻ ഡി, വിറ്റാമിൻ ഇ, സിങ്ക്, സെലിനിയം എന്നിവ നൽകണം. കാരറ്റ്, മത്തങ്ങ, മധുരക്കിഴങ്ങ്, പപ്പായ, കിവി, മാമ്പഴം, ബ്രൊക്കോളി, പൈനാപ്പിൾ, തക്കാളി, കുരുമുളക്, കോളിഫ്ലവർ, ഓറഞ്ച് എന്നിവ ഭക്ഷണത്തിൽ ഉൾപ്പെടുത്താം.

വിറ്റാമിൻ ഡി ലഭിക്കുന്നതിന് മീൻ, കൂൺ, പാൽ, തൈര് തുടങ്ങിയ ഭക്ഷണങ്ങൾ ഉൾപ്പെടുത്താവുന്നതാണ്. മാത്രമല്ല വിറ്റാമിൻ ഇ ലഭിക്കുന്നതിന് ബദാം, നിലക്കടല, ബീറ്റ്റൂട്ട് തുടങ്ങിയ ഭക്ഷണങ്ങളും ഉൾപ്പെടത്തുക.

നിങ്ങൾ ദീർഘകാലമായി സ്റ്റിറോയിഡുകൾ കഴിക്കുന്നുണ്ടെങ്കിൽ നിങ്ങളുടെ എല്ലുകളുടെ ആരോഗ്യം ശ്രദ്ധിക്കേണ്ടത് പ്രധാനമാണ്. കാൽസ്യം അടങ്ങിയ ഭക്ഷണങ്ങൾ ധാരാളം കഴിക്കുന്നുണ്ടെന്ന് ഉറപ്പ് വരുത്തുക. പാൽ, തൈര് എന്നിവ കാൽസ്യത്തിന്റെ നല്ല ഉറവിടങ്ങളാണ്.