സ്വവര്ഗ്ഗവിവാഹം; അവനവന് വേണ്ടി പോരാടിയ വനിതാ അഭിഭാഷക ദമ്പതികള്
ലോകത്തില് ഇപ്പോള് ക്യൂര് പ്രൈഡ് മാര്ച്ചുകള് നടക്കുകയാണ്. ഇതിനിടെ ഇന്ത്യയില് ശ്രദ്ധയയാകുന്നത് രണ്ട് അഭിഭാഷക ദമ്പതിമാരാണ്. ഇരുവരും സ്വവര്ഗാനുരാകികള്ക്കായി അഹോരാത്രം പ്രവര്ത്തിച്ചവര്, മേനക ഗുരുസ്വാമിയും അരുന്ധതി കട്ജുവും. രണ്ട് പേരുടെയും പോരാട്ടമാണ് ഇന്ത്യയില് സ്വവര്ഗ വിവാഹം കുറ്റകരമല്ലെന്ന വിധിക്ക് വഴിതെളിച്ചത്. സ്വവര്ഗ ലൈംഗികത കുറ്റകരമാണെന്ന ഇന്ത്യന് ശിക്ഷാ നിയമത്തിലെ 377-ാം വകുപ്പ് എടുത്തുമാറ്റുന്നതുവരെ പോരാടിയ ഇരുവരുടെയും ചരിത്രവും ചെറുതല്ല. സുപ്രീംകോടതി ജസ്റ്റിസായിരുന്ന മാര്ക്കണ്ഡേയ കട്ജുവിന്റെ സഹോദരപുത്രിയാണ് അരുന്ധതി. മേനക, മുന് പ്രധാനമന്ത്രി വാജ്പേയിയുടെ ഉപദേഷ്ടാവും ചിന്തകനുമായിരുന്ന മോഹന് ഗുരുസ്വാമിയുടെ മകളാണ്. നൂറ്റാണ്ടുകള് പഴക്കമുള്ള നിയമത്തിനെതിരായ പോരാട്ടത്തില് ഇരുവരും അടിയുറച്ചു നിന്നു. സ്വവര്ഗരതി കുറ്റകരമല്ലെന്ന് 2009-ല് ദില്ലി ഹൈക്കോടതി വിധിച്ചപ്പോള് അത് 2013-ല് സുപ്രീംകോടതി തള്ളി. പോരാടാനുറച്ചവര് 2018 സെ്പറ്റംബര് ആറിന് വിജയം കണ്ടു. ചരിത്രപരമായ ആ വിധിക്ക് ശേഷം ലോകത്തെ ഏറ്റവും സ്വാധീനിച്ച 100 വ്യക്തികളുടെ പട്ടികയിലും ഇരുവരും സ്ഥാനം നേടി. സുപ്രീംകോടതി ചീഫ് ജസ്റ്റിസ് ദീപക് മിശ്ര നേതൃത്വം കൊടുത്ത അഞ്ചംഗ ഭരണഘടനാ ബെഞ്ചായിരുന്നു ചരിത്രവിധി പ്രസ്താവിച്ചത്. സ്വവര്ഗ ലൈംഗികത ക്രിമിനല് കുറ്റമാക്കാനുള്ള തീരുമാനം യുക്തിരഹിതവും, നീതീകരിക്കാനാകാത്തതും ആണെന്നായിരുന്നു വിധി പ്രസ്താവിച്ചുകൊണ്ട് ചീഫ് ജസ്റ്റിസ് ദീപക് മിശ്ര പറഞ്ഞത്.
17
മേനക ഗുരുസ്വാമിയും അരുന്ധതി കട്ജുവും സുപ്രീംകോടതിക്ക് മുന്നില്.
മേനക ഗുരുസ്വാമിയും അരുന്ധതി കട്ജുവും സുപ്രീംകോടതിക്ക് മുന്നില്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam
click me!