കൊറോണക്കാലത്ത് മുംബൈയും നിശ്ചലം
First Published Mar 25, 2020, 2:35 PM ISTമഹാരാഷ്ട്രയിലും മധ്യപ്രദേശിലും ഗുജറാത്തിലുമായി പത്തിലധികം പേര്‍ക്ക് ഇന്ന് കൊവിഡ് സ്ഥിരീകരിച്ചു. അതിനിടെ ദില്ലിയിൽ ഇന്നലെ മരിച്ചയാൾക്ക് കൊവിഡ് ഇല്ലെന്ന് ആരോഗ്യമന്ത്രാലയം സ്ഥിരീകരിച്ചു. രാജ്യം മുഴുവനും ലോക് ഡൗണ്‍ നിലനിൽക്കെ അയോധ്യയിൽ മുഖ്യമന്ത്രി യോഗി ആദിത്യനാഥ് രാമവിഗ്രഹം മാറ്റിവയ്ക്കുന്ന ചടങ്ങ് നടത്തിയത് വിവാദമായി. ഇന്നലെ മാത്രം രാജ്യത്തെ 64 പേരിലേക്കാണ് കൊവിഡ് പടര്‍ന്നത്. മഹാരാഷ്ട്ര, മധ്യപ്രദേശ്, ഗുജറാത്ത്, തെലങ്കാന, ബീഹാര്‍ സംസ്ഥാനങ്ങളിൽ നിന്നെല്ലാം പുതിയ കേസുകൾ രാവിലെ റിപ്പോര്‍ട്ട് ചെയ്തു. അതിനിടെ ആശ്വാസമായി രോഗം ഭേദമായ 40 പേര്‍ ആശുപത്രി വിട്ടു. രാജ്യത്തിന്‍റെ വാണിജ്യതലസ്ഥാനമായ മുംബൈയില്‍ നിരത്തില്‍ വാഹനങ്ങള്‍ ഒന്നും ഇറങ്ങുന്നില്ല. നഗരം പൊലീസ് നിയന്ത്രണത്തിലാണ്. മുംബൈയില്‍ നിന്നുള്ള കാഴ്ചകള്‍ കാണാം.