കൊവിഡ്19 ; ഇന്ത്യയില്‍ എട്ടര ലക്ഷം രോഗികള്‍, 22000 കടന്ന് മരണം
First Published Jul 12, 2020, 1:07 PM IST
ലോകത്ത് ശമനമില്ലാതെ കൊവിഡ് 19 വൈറസ് ബാധ പടരുമ്പോള്‍ ഇന്ത്യയില്‍ മൊത്തം രോഗികളുടെ എണ്ണം എട്ടരലക്ഷവും കടന്നു. മരണ സംഖ്യയാകട്ടെ 22,687 ആയി. 5,36,231 പേര്‍ക്ക് രോഗമുക്തിയുണ്ടായെന്നത് മാത്രമാണ് ഏക ആശ്വാസം. 62.92 ശതമാനമാനമാണ് രാജ്യത്തെ രോഗമുക്തി നിരക്ക്. കഴിഞ്ഞ 24 മണിക്കൂറിൽ 28,637 പേർക്ക് കൊവിഡ് സ്ഥിരീകരിച്ചു. ഏറ്റവും ഉയർന്ന പ്രതിദിന വർദ്ധനയാണിത്. 24 മണിക്കൂറിൽ 551 പേര്‍ കൂടി കൊവിഡ് ബാധിച്ച് മരിച്ചതോടെ, കൊവിഡ് മരണ സംഖ്യ 22,687 ആയി ഉയര്‍ന്നു. നിലവിൽ ചികിത്സയിൽ 2,92,258 പേര്‍ വിവിധ സംസ്ഥാനങ്ങളിലായി ചികിത്സയിലാണ്.