യെച്ചൂരി, പിണറായി, എല്ലാവരും എത്തി; ഓണ്‍ലൈനിലെ ആദ്യ പൊളിറ്റ്ബ്യൂറോ യോഗം ഉഷാറായി; ചിത്രങ്ങള്‍
First Published Jun 2, 2020, 9:23 PM ISTകൊവിഡ് പ്രതിരോധമടക്കം ചര്‍ച്ച ചെയ്യാന്‍ സിപിഎം പൊളിറ്റ് ബ്യൂറോ യോഗം ചേർന്നു. വിഡിയോ കോൺഫറൻസിംഗ് വഴിയായിരുന്നു സിപിഎം പി ബി. ഇതാദ്യമായാണ് പിബി യോഗം ഓണ്‍ലൈനിലൂടെ ചേർന്നത്. നാലു മണിക്കൂർ നീണ്ടു നിന്ന യോഗത്തിൽ കൊവിഡ് പ്രതിരോധം തുടങ്ങിയതിനു ശേഷമുള്ള ദേശീയ രാഷ്ട്രീയ സാഹചര്യം വിലയിരുത്തി. ജനറല്‍ സെക്രട്ടറി സിതാറാം യെച്ചൂരി, കേരള മുഖ്യമന്ത്രി പിണറായി വിജയൻ, പ്രകാശ് കാരാട്ട്, ബൃന്ദ കാരാട്ട്, കേരള ഘടകം സെക്രട്ടറി കോടിയേരി ബാലകൃഷ്ണൻ, മണിക്ക് സര്‍ക്കാര്‍, സുഭാഷിണി അലി, എം എ ബേബി, രാമചന്ദ്രപിള്ള തുടങ്ങിയവരെല്ലാം യോഗത്തിൽ പങ്കെടുത്തു