കശ്മീരിന് സംസ്ഥാന പദവി തെരഞ്ഞെടുപ്പിന് ശേഷം; പാര്ലമെന്റിന് നല്കിയ വാക്ക് പാലിക്കും: പ്രധാനമന്ത്രി
First Published Jun 25, 2021, 10:57 AM ISTകശ്മീരിന്റെ സമാധാനത്തിന് സാധ്യമായതെല്ലാം ചെയ്യുമെന്നും തെരഞ്ഞെടുപ്പിന് ശേഷം സംസ്ഥാന പദവി പുനസ്ഥാപിക്കുമെന്നും ഉറപ്പ് നല്കി പ്രധാനമന്ത്രി നരേന്ദ്ര മോദി. എന്നാല്, കശ്മീരിന് നേരത്തെയുണ്ടായിരുന്ന പ്രത്യേക പദവി പുനസ്ഥാപിക്കുന്ന വിഷയം ഇന്നലെ പ്രധാനമന്ത്രിയുടെ വസതിയില് ചേര്ന്ന സര്വ്വകക്ഷിയോഗത്തിലെ ചർച്ചയില് ഉണ്ടായിരുന്നില്ലെന്നും കേന്ദ്രം വ്യക്തമാക്കി. മൂന്നരമണിക്കൂറോളം നീണ്ടു നിന്ന യോഗത്തിൽ സമവായത്തിന്റെ ഭാഷയിലായിരുന്നു പ്രധാനമന്ത്രിയുടെ ഇടപെടലെന്നാണ് പുറത്ത് വരുന്ന റിപ്പോര്ട്ടുകള്. 'ദേശസ്നേഹികളായ ജമ്മുകശ്മീർ ജനത'യ്ക്കൊപ്പം നില്ക്കും. കശ്മീരില് സമാധാനത്തിന് സാധ്യമായതെല്ലാം ചെയ്യുമെന്നും പ്രധാനമന്ത്രി ഉറപ്പ് നല്കി.