ശ്രീലങ്കന് പ്രധാനമന്ത്രിയുടെ സുരക്ഷയ്ക്ക് ഇന്ത്യന് കരിമ്പൂച്ചകളുടെ സഹായം; പരിശീലിപ്പിച്ചത് 21 അംഗ സംഘത്തെ
First Published Oct 17, 2020, 3:06 PM ISTതീവ്രവാദപ്രവര്ത്തനങ്ങള് അടിച്ചമര്ത്തുക, വിഐപികള്ക്ക് സുരക്ഷയൊരുക്കുക എന്നീ ചുമതലകള് വഹിക്കുന്നവരാണ് ഇന്ത്യയുടെ കരിമ്പൂച്ചകള് എന്നറിയപ്പെടുന്ന ദേശീയ സുരക്ഷാ സേന. എന്എസ്ജി എന്ന ചുരുക്കപ്പേരില് അറിയപ്പെടുന്ന ഈ ബ്ലാക്ക് ക്യാറ്റ്സ് സംഘത്തിലേക്ക് ഇന്ത്യന് സൈന്യത്തില് നിന്നും അതിര്ത്തി രക്ഷാസേനയില് നിന്നുമെല്ലാമുള്ള മികച്ച ഓഫീസര്മാരെയാണ് പരിശീലനം നല്കി നിയമിക്കുന്നത്. എന്എസ്ജി രൂപീകരിച്ചതിന്റെ 36-ാം വര്ഷത്തില് എത്തി നില്ക്കുമ്പോള് സേനാ തലവന് എസ് എസ് ദേശ്വാള് നടത്തിയ ഒരു വെളിപ്പെടുത്തല് രാജ്യമാകെ ചര്ച്ച ചെയ്യുകയാണ്.