ഗിര്‍ വനത്തിലെ ചിത്രങ്ങളിലൂടെ സന്തോഷവാര്‍ത്ത പങ്കുവച്ച് പ്രധാനമന്ത്രി
First Published Jun 10, 2020, 10:04 PM ISTസോഷ്യല്‍ മീഡിയയില്‍ ഇടപെടുന്ന ലോകത്തെ രാഷ്ട്രീയ നേതാക്കളില്‍ പ്രമുഖനാണ് പ്രധാനമന്ത്രി നരേന്ദ്രമോദി. പല സന്തോഷവാര്‍ത്തകളും പ്രതികരണങ്ങളും മോദി സോഷ്യല്‍മീഡിയയിലൂടെ പങ്കുവയ്ക്കാറുണ്ട്. ഇപ്പോഴിതാ വീണ്ടുമൊരു സന്തോഷവാര്‍ത്ത പങ്കുവച്ച് മോദി രംഗത്തെത്തിയിരിക്കുകയാണ്.
രാജ്യത്ത് സിംഹങ്ങളുടെ എണ്ണം വര്‍ധിക്കുന്നതിന്‍റെ സന്തോഷമാണ് അദ്ദേഹം ഇക്കുറി പങ്കുവച്ചിരിക്കുന്നത്. ഗുജറാത്തിലെ ഗിര്‍ വനത്തില്‍ സിംഹങ്ങളുടെ എണ്ണത്തില്‍ 29 ശതമാനത്തിന്‍റെ വളര്‍ച്ചയുണ്ടായത് മോദി ഇന്‍സ്റ്റഗ്രാമില്‍ പങ്കുവച്ച കുറിപ്പില്‍ വ്യക്തമാക്കുന്നു. ഗിര്‍വനത്തിലെ സിംഹങ്ങളുടെ മനോഹര ചിത്രങ്ങളും പ്രധാനമന്ത്രി പങ്കുവച്ചിട്ടുണ്ട്