നരേന്ദ്രമോദി ഒറ്റയ്ക്ക് രാജ്യത്തെ നശിപ്പിച്ച് മൂലയ്ക്ക് ഇരുത്തി: രാഹുല് ഗാന്ധി
First Published Dec 14, 2019, 3:51 PM IST
കേന്ദ്രസര്ക്കാര് കൊണ്ടുവന്ന ദേശീയ പൗരത്വ നിയമ ഭേദഗതിക്കെതിരെ ദില്ലി രാംലീല മൈതാനിയില് കോണ്ഗ്രസ് സംഘടിപ്പിച്ച ഭാരത് ബച്ചാവോ പരിപാടിയില് കേന്ദ്രസര്ക്കാറിനെതിരെ ആഞ്ഞടിച്ച് രാഹുല് ഗാന്ധി. രാജ്യത്തെ സ്ത്രീകള്ക്കെതിരെ വര്ധിച്ചു വരുന്ന കുറ്റകൃത്യങ്ങളുടെ പശ്ചാത്തലത്തില് രാഹുല് ഗാന്ധി നടത്തിയ 'റേപ്പ് ഇന് ഇന്ത്യ' പരാമര്ശത്തിനെതിരെ ഇന്നലെ ലോക്സഭയില് ബിജെപി രംഗത്ത് വന്നിരുന്നു. പ്രസ്ഥാവന പിന്വലിച്ച് രാഹുല് മാപ്പ് പറയണമെന്നായിരന്നു ബിജെപി ആവശ്യം. ഇതിനെതിരെ പ്രതികരിക്കവേ, താന് രാഹുല് സവര്ക്കറല്ലെന്നും രാഹുല് ഗാന്ധിയാണെന്നും മാപ്പ് പറയില്ലെന്നും രാഹുല് ഗാന്ധി അസന്നിഗ്ദമായി പറഞ്ഞു. സത്യം പറഞ്ഞതിന് ഞാനൊരിക്കലും മാപ്പ് പറയില്ല - കേന്ദ്രസര്ക്കാരിനെതിരെ ആഞ്ഞടിച്ചു കൊണ്ട് രാഹുല് പറഞ്ഞു. കാണാം ഭാരത് ബച്ചാവോ ചിത്രങ്ങള്.