ട്രാക്ടര് പരേഡ്; കലാപത്തിന് ആസൂത്രണമൊരുക്കിയത് ദീപ് സിദ്ദു
Published : Jan 27, 2021, 11:38 AM IST
1648 ല് മുഗള് ചക്രവര്ത്തിയായിരുന്ന ഷാജഹാന് പണികഴിപ്പിച്ചതാണ് ചെങ്കോട്ട. 1947 ആഗസ്റ്റ് 15 ന് ഇന്ത്യയുടെ ആദ്യ പ്രധാനമന്ത്രിയായിരുന്ന ജവഹര്ലാല് നെഹ്റു, സ്വതന്ത്ര ഇന്ത്യയുടെ ദേശീയ പതാക ആദ്യമായി ഉയര്ത്തിയത് ചെങ്കോട്ടയിലായിരുന്നു. അതുകൊണ്ട് തന്നെ ദേശീയ പതാകയും ചെങ്കോട്ടയുമായി ബന്ധപ്പെട്ടൊരു വൈകാരികമായി ബന്ധം ഇന്ത്യക്കാര്ക്കുണ്ട്. ഇന്നലെ കര്ഷക സമരത്തിന്റെ ഭാഗമായ ട്രാക്ടര് റാലിക്കിടെ കലാപം അഴിച്ച് വിട്ട് ചെങ്കോട്ടയിലെത്തിയ ഒരു സംഘം കര്ഷകര് ചെങ്കോട്ടയില് സിഖ് പതാക ഉയര്ത്തിയത് ദേശവ്യാപകമായി പ്രതിഷേധത്തിന് കാരണമായി. കര്ഷകര് സംയമനം പാലിക്കണമെന്നും ദേശീയ പതാകയ്ക്ക് മേലെ ഒരു പതാകയും ഉയര്ത്തരുതെന്നും ദേശീയ-പ്രദേശീക രാഷ്ട്രീയ നേതൃത്വങ്ങള് ആവശ്യപ്പെട്ടു. കര്ഷകര് സമരസ്ഥലം ഉപേക്ഷിച്ച് തിരികെ ഗ്രാമങ്ങളിലേക്ക് നീങ്ങണമെന്ന നിര്ദ്ദേശവും ഇതോടെ ശക്തമായി. എന്നാല് വിവാദമായ നിയമം പിന്വലിക്കും വരെ ദില്ലി അതിര്ത്തികളില് സഹനസമരവുമായി മുന്നോട്ട് പോകുമെന്ന് കര്ഷകരും അറിയിച്ചു. ഇതിനിടെ സമാധാനപരമായി പൊലീസുമായുള്ള ധാരണയനുസരിച്ച് നടത്താനിരുന്ന ട്രാക്ടര് റാലിയില് കലാപത്തിന് ശ്രമം നടത്തിയ ദീപ് സിദ്ദുവിനെതിരെ ആരോപണം ശക്തമാക്കി കര്ഷക സംഘടനകള് രംഗത്തെത്തി.ചിത്രങ്ങള് പകര്ത്തിയത് ഏഷ്യാനെറ്റ് ന്യൂസ് ക്യാമറാമാന് അനന്തുപ്രഭ, ഷിജോ ജോര്ജ്.
118
സംയുക്ത കിസാന് മോര്ച്ചാ നേതാക്കള് ഇന്നലെ ഉച്ചയ്ക്ക് തന്നെ ധാരണ തെറ്റിച്ചുള്ള പരേഡിനെതിരെ രംഗത്ത് വന്നിരുന്നു. സംഘര്ഷത്തെയും നേതാക്കള് തള്ളിപ്പറഞ്ഞിരുന്നു. കിസാന് മസ്ദൂര് സംഘര്ഷ് കമ്മറ്റിയില്പ്പെട്ട ആളുകളാണ് സമാധാനപരമായി തുടങ്ങാനിരുന്ന റാലിയില് സംഘര്ഷം സൃഷ്ടിച്ചതെന്നായിരുന്നു സംയുക്ത കിസാന് സഭയുടെ ആരോപണം.
സംയുക്ത കിസാന് മോര്ച്ചാ നേതാക്കള് ഇന്നലെ ഉച്ചയ്ക്ക് തന്നെ ധാരണ തെറ്റിച്ചുള്ള പരേഡിനെതിരെ രംഗത്ത് വന്നിരുന്നു. സംഘര്ഷത്തെയും നേതാക്കള് തള്ളിപ്പറഞ്ഞിരുന്നു. കിസാന് മസ്ദൂര് സംഘര്ഷ് കമ്മറ്റിയില്പ്പെട്ട ആളുകളാണ് സമാധാനപരമായി തുടങ്ങാനിരുന്ന റാലിയില് സംഘര്ഷം സൃഷ്ടിച്ചതെന്നായിരുന്നു സംയുക്ത കിസാന് സഭയുടെ ആരോപണം.
click me!