ഒഴിയുമോ ഈ ലോക്ക് ഡൗണ്‍ ? ചിത്രങ്ങള്‍ കാണാം
First Published Apr 13, 2020, 2:12 PM ISTചൈനയിലെ വുഹാനില്‍ തുടങ്ങി, കിഴക്കനേഷ്യന്‍ രാജ്യങ്ങളിലേക്കും പിന്നീട് യുറോപ്പിലേക്കും അമേരിക്കയിലേക്കും പടര്‍ന്നു പിടിച്ച കൊവിഡ് 19 എന്ന കൊറോണാ വൈറസിന്‍റെ ഇന്ത്യയിലെ വ്യാപനം തടയാന്‍ രാജ്യത്ത് മാര്‍ച്ച് 24 ന് പ്രഖ്യാപിച്ച ലോക്ക് ഡൗണ്‍ നാളെ (ഏപ്രില്‍ 14) അവസാനിക്കും. 21 ദിവസത്തെ ലോക്ക് ഡൗണിന് ശേഷവും മിക്ക സംസ്ഥാനങ്ങളും ലോക്ക് ഡൗണ്‍ നീട്ടണമെന്ന് കേന്ദ്രത്തോട് ആവശ്യപ്പെട്ടു. ഇതോടെ ഭാഗീകമായെങ്കിലും ലോക്ക് ഡൗണ്‍ നീട്ടാനുള്ള സാധ്യതയാണുള്ളത്. ഇതിനിടെ ഇപ്പോഴും വൈറസ് വ്യാപനത്തെ തുടര്‍ന്ന് ലോക്ക് ഡൗണിലാണ് ദില്ലിയില്‍ ശാസ്ത്രി നഗര്‍ സഞ്ചാരത്തിനായി തുറന്ന് കൊടുത്തു. എന്നാല്‍ തെര്‍മല്‍ സ്കാനിങ് അടക്കം പൊലീസിന്‍റെ പരിശോധനകള്‍ക്ക് ശേഷമേ ആളുകളെ കടത്തിവിടുകയൊള്ളൂ. ചിത്രങ്ങള്‍: ഏഷ്യാനെറ്റ് ക്യാമറാമാന്‍ വടിവേല്‍ സി.