'എനിക്ക് എന്നിലേക്ക് തിരിച്ച് പോകണം, അതിനായി ഗര്ഭപാത്രം വേണം': അനിമിഷ
First Published Jun 16, 2021, 10:12 AM ISTഹവായ് ദ്വീപിലെ പുന ജില്ലയിലെ ഇരുപത്തിനാലുകാരി ലൂണ അനിമിഷ 1,50,000 ഡോളർ സ്വരൂപിക്കാനുള്ള തത്രപ്പാടിലാണ്. കുട്ടിയായിരുന്നപ്പോള് അച്ഛനുമമ്മയും ഡോക്ടര്മാരും ചേര്ന്ന് തന്നില് നിന്ന് തട്ടിയെടുത്ത സ്ത്രീത്വമാണ് അവള്ക്ക് തിരിച്ചുവേണ്ടത് അതിനായിട്ടാണ് 1,50,000 ഡോളര്. ജനിക്കുമ്പോള് ഹെര്മാപ്രോഡേറ്റ് (ദ്വിലിംഗങ്ങളോടെയുള്ള) സ്വഭാവങ്ങളുള്ള കുട്ടിയായിരുന്നു ലൂണ അനിമിഷ. എന്നാല്, തന്റെ അനുവാദമില്ലാതെ അച്ഛനും അമ്മയും ഡോക്ടറും ചേര്ന്ന് കുട്ടിയായിരിക്കുമ്പോള് തന്നെ ലൂണയുടെ ഗര്ഭപാത്രം നീക്കം ചെയ്തു. യോനി തുന്നിച്ചേര്ത്തു. ആണ്കുട്ടികളുടെ കൂടി കളിക്കാന് നിര്ബന്ധിച്ചു. ആണിനെപോലെ വളര്ത്തി. എന്നാല്, 21 വയസ്സായപ്പോള് തനിക്ക് സ്വന്തമായി തീരുമാനങ്ങളെടുക്കാന് കഴിഞ്ഞു. അതിനാല് ഞാന് എന്നിലേക്ക് തിരിച്ച് പോകാന് ആഗ്രഹിക്കുന്നുവെന്ന് ലൂണ അനിമിഷ പറയുന്നു. അതിന് അവള്ക്ക് ഗര്ഭപാത്രം തുന്നിച്ചേര്ക്കണം. അതിനുള്ള ദാതാവിനെ കണ്ടെത്തണം. ഭാവിയില് ഒരു കുട്ടിയെ പ്രസവിച്ച് അമ്മയാകണമെന്നതാണ് തന്റെ ഏറ്റവും വലിയ ആഗ്രഹമെന്നും അവള് പറയുന്നു.