മിനിപൊളീസിൽ പ്രതിഷേധിച്ച ജനക്കൂട്ടത്തിലേക്ക് പാഞ്ഞുകയറി ടാങ്കർ ലോറി
First Published Jun 1, 2020, 12:07 PM ISTഅമേരിക്കൻ സംസ്ഥാനമായ മിനിപൊളീസിൽ ആയിരങ്ങൾക്കിടയിലേക്ക് പാഞ്ഞുകയറി ടാങ്കർ ലോറി. അമേരിക്കൻ പൊലീസ് ശ്വാസം മുട്ടിച്ച് കൊലപ്പെടുത്തിയ കറുത്ത വർഗക്കാരനായ ജോർജ് ഫ്ലോയിഡിന്റെ കൊലപാതകത്തിൽ പ്രതിഷേധിച്ച് തെരുവിലിറങ്ങിയവർക്കിടയിലേക്കാണ് ലോറി പാഞ്ഞു കയറിയത്. 35ഡബ്ല്യു നോർത്ത്ബൗണ്ട് ഹൈവേയിൽ സമാധാനപരമായി പ്രതിഷേധിക്കുകയായിരുന്നു ജനങ്ങൾ. ലോറി ഡ്രൈവറെ ജനങ്ങൾ പൊലീസിന് കൈമാറി. പ്രാഥമികമായി ആർക്കും പരിക്കുകളില്ലെന്നാണ് റിപ്പോർട്ടുകൾ പറയുന്നത്. എന്നാൽ ജനങ്ങൾക്കിടയിലേക്ക് ലോറി ഓടിച്ചുകയറ്റിയതിനു പിന്നിലെ ഡ്രൈവറുടെ ഉദ്ദേശ്യം ഇനിയും വ്യക്തമല്ല.
വൈറ്റ് ഹൗസിന്റെ അതിര്ത്തി കടന്നാൽ പ്രതിഷേധക്കാരെ നീചന്മാരായ നായ്ക്കളെയും അപകടകരമായ ആയുധങ്ങളും കൊണ്ട് സ്വീകരിക്കുമെന്ന് പ്രസിഡന്റ് ട്രംപ് ഇന്നലെ പറഞ്ഞിരുന്നു. കഴിഞ്ഞ തിങ്കളാഴ്ചയാണ് യുഎസ്സിലെ മിനിയാപോളിസില് റസ്റ്റോറന്റിൽ സെക്യൂരിറ്റി ഗാര്ഡ് ആയി ജോലിചെയ്തിരുന്ന ജോര്ജ് ഫ്ളോയിഡ് എന്ന കറുത്തവര്ഗക്കാരന് കൊല്ലപ്പെട്ടത്. പൊലീസ് ഉദ്യോഗസ്ഥന് ജോര്ജ് ഫ്ളോയിഡിന്റെ കഴുത്തില് കാല്മുട്ടമര്ത്തി ശ്വാസം മുട്ടിച്ച് കൊലപ്പെടുത്തുകയായിരുന്നു.