കൊവിഡിനു പിന്നാലെ പേമാരി; തകർന്നടിഞ്ഞ് ജപ്പാൻ !!
First Published Jul 9, 2020, 9:49 AM ISTകോവിഡിനു പിന്നാലെ ജപ്പാൻ ദ്വീപുകളിൽ ശക്തമായ പേമാരി. ജപ്പാനിലെ തെക്കുപടിഞ്ഞാറൻ ദ്വീപായ ക്യുഷുവിൽ കനത്ത മഴയെത്തുടർന്ന് ഉണ്ടായ വെള്ളപ്പൊക്കത്തിലും മണ്ണിടിച്ചിലും 60 ഓളം പേർ മരിച്ചെന്നാണ് പ്രാഥമിക വിവരം. പല നദികളും കരകവിഞ്ഞ് ഒഴുകുന്നു. ക്യുഷു ദ്വീപ് പൂർണ്ണമായി തകർന്ന നിലയിലാണ്. കൊവിഡ് കണക്കുക്കളിൽ മറ്റ് രാജ്യങ്ങളെ അപേക്ഷിച്ച് ആശ്വാസതീരത്തായിരുന്നു ജപ്പാൻ. 20,174 പേർക്കാണ് രാജ്യത്ത് രോഗം സ്ഥിരീകരിച്ചത്. 17,331പേർ രോഗമുക്തി നേടിയപ്പോൾ 980 പേർ മരണത്തിനു കീഴടങ്ങി. വരും ദിവസങ്ങളിലും മഴ ശക്തിയാർജ്ജിച്ചാൽ ജപ്പാൻ ദ്വീപുകളുടെ നില അതീവഗുരുതരമാവും..