കരുതലിന്‍റെ ചുമരെഴുത്തുകള്‍...
First Published Apr 8, 2020, 11:55 AM IST
ലോകം മുഴുവനും കൊവിഡ് 19 വൈറസിന്‍റെ വ്യാപനത്തില്‍ അന്തിച്ച് നില്‍ക്കുകയാണ്. ഓരോ ദിവസവും ഉയരുന്ന മരണനിരക്കും സാമൂഹിക വ്യാപനവും ഭൂമുഖത്തെ ഏറ്റവും ശക്തരെന്ന് കരുതിയിരുന്ന മനുഷ്യനെ നിഷ്ക്രിയനാക്കിയിരിക്കുന്നു. മനുഷ്യന്‍ നിരന്തരം പെരുമാറിയിരുന്ന പൊതു ഇടങ്ങളെല്ലാം ഇന്ന് ശൂന്യമാണ്. എല്ലാവരുടെയും മുഖത്ത് ഭയം മാത്രം. ലോകമെങ്ങും ഇത്രമാത്രം നിസഹായതയോടെ ഓരോ ദിനവും മനുഷ്യന്‍ തള്ളിനീക്കിയ കാലം വേറെയുണ്ടാകില്ല. അപ്പോഴും താഴ്ന്നുപോകാതെ കൈപിടിച്ച് കൂടെ നിര്‍ത്താന്‍ തന്നെയാണ് എല്ലാ ശ്രമങ്ങളും. ആരോഗ്യപ്രവര്‍ത്തകര്‍ വൈറസിനെതിരെയുള്ള പോരാട്ടത്തില്‍മുന്‍നിരയില്‍ തന്നെയുണ്ട്. പൊലീസും മറ്റ് സുരക്ഷാവിഭാഗങ്ങളും രോഗ വ്യാപനം തടയാനായി ജനങ്ങളെ വീട്ടിലിരിക്കുന്നത് നിര്‍ബന്ധിക്കുന്നു. അപ്പോഴും തെരുവോര കലാകാരന്മാര്‍, സന്ദേശങ്ങളായും കരുതലായും തെരുവില്‍ എഴുത്തുകള്‍ നിരത്തുന്നു.
നല്ലൊരു നാളെയ്ക്കായി ഇന്ന് കരുതലോടെയിരിക്കേണ്ടതിന്‍റെ പ്രാധാന്യത്തെ കുറിച്ച് അവര്‍ ആവര്‍ത്തിച്ച് ആവശ്യപ്പെടുന്നു. അതൊടൊപ്പം നമുക്ക് നല്ലൊരു നാളെയുണ്ടെന്ന് പ്രത്യാശിക്കുകയും ചെയ്യുന്നു. കാണാം തെരുവിലെ എഴുത്തുകള്‍...