തെരുവില്‍ അഗ്നിജ്വാലയായി ലോക വനിതാദിനം; ചിത്രങ്ങള്‍ കാണാം
First Published Mar 9, 2020, 11:30 AM IST
പുരുഷാധിപത്യത്തിന് കീഴിലായ കാലം മുതല്‍ സ്ത്രീ, സമൂഹത്തില്‍ രണ്ടാം പൗരയായി മാറ്റിനിര്‍ത്തപ്പെട്ടു. എന്നാല്‍ ഇന്ന് കാലം മാറി. ലോകത്ത് ഏതൊരുമേഖലയിലും സ്ത്രീ പുരുഷനോളം വളര്‍ന്നിരിക്കുന്നു. തോളോട് തോള്‍ ചേര്‍ന്ന് നില്‍ക്കാന്‍ അവള്‍ പ്രാപ്തയായി. എന്നാല്‍, ഇന്നും അടിച്ചമര്‍ത്തലിലും പീഡനങ്ങളില്‍ നിന്നും അവള്‍ മുക്തയല്ല. ലോകത്ത് ഒരോ മൂന്ന് സെക്കന്‍റിലും ഒരു സ്ത്രീ വീതം ബലാത്സംഗം ചെയ്യപ്പെടുന്നുവെന്ന് കണക്കുകള്‍ കാണിക്കുന്നു. തെരുവുകള്‍ ഇന്നും പുരുഷന്‍റെ അധോലാകമായി തുടരുന്നു. ഇത് ഒരു രാജ്യത്തെ മാത്രം പ്രശ്നമല്ല. ലോകം മുഴുവനും നേരിടുന്ന ഭീതിതമായ കാര്യമാണ്. ഇന്നലെ ലോകവനിതാ ദിനാഘോഷങ്ങളിലായിരുന്നു ലോകം. എന്നാല്‍ ലോകത്ത് നിരവധി നഗരങ്ങളില്‍ നിന്ന് പുറത്ത് വരുന്ന കാഴ്കകളില്‍ ഭരണകൂട പ്രതിരോധ മുഖങ്ങളിലെല്ലാം മുന്നില്‍ സജീവ സാന്നിധ്യമായി സ്ത്രീയുണ്ട്. കാണാം ആ പ്രതിരോധക്കാഴ്ചകള്‍.