പരീക്ഷകളും സമരവും; കൊറോണയ്ക്കും വേണ്ടേഡേ കുറച്ച് റസ്റ്റ് ?
First Published Jul 17, 2020, 3:56 PM ISTതിരുവനന്തപുരത്ത് കഴിഞ്ഞ ദിവസം നടന്ന എന്‍ജിനിയറിങ്/ഫാര്‍മസി പ്രവേശന പരീക്ഷയായ കീം ആണ് ഇപ്പോൾ ട്രോളന്മാർക്കിടയിലെ പ്രധാന ട്രോള് വിഷയങ്ങളിലൊന്ന്. കേരളത്തിലെ എല്ലാ ജില്ലകളിലും പരീക്ഷ നടന്നെങ്കിലും സാമൂഹ്യമാധ്യമങ്ങളിൽ വൈറലായത് തിരുവനന്തപുരം പട്ടത്തെ സെന്റ് മേരീസ് ഹയർസെക്കന്ററി സ്കൂൾ ആണ്. പരീക്ഷയെഴുതാൻ എത്തിയ വിദ്യാർത്ഥികളുടെ തിക്കും തിരക്കും തന്നെയാണ്. സാമൂഹിക അകലം എന്ന ആശയം ഒരു തരത്തിലും വകയ്ക്കാതെയായിരുന്നു പരീക്ഷക്കെത്തിയവർ കൊറോണയെ വെല്ലുവിളിച്ചത്. ഇന്നലത്തെ കണക്കനുസരിച്ച് തിരുവനന്തപുരത്ത് മാത്രം 1257 പേരാണ് കൊവിഡ് ബാധിച്ച് ചികിത്സയിലുള്ളത്. ഇതിൽ ഭൂരിഭാഗം പേർക്കും രോഗം സമ്പർക്കത്തിലൂടെയാണ് പിടിപെട്ടത്. കാണാം ചില കീം ട്രോളുകൾ...