രണ്ടാം പിണറായി സര്ക്കാറിന്റെ ആദ്യ ബജറ്റ് ; ഒറ്റനോട്ടത്തില്
ചെലവ് ചുരുക്കി, വരുമാനം വര്ദ്ധിപ്പിക്കാനുള്ള സമഗ്രമായ പദ്ധതിയെന്ന് പ്രഖ്യാപിച്ചാണ് ധനമന്ത്രി കെഎൻ ബാലഗോപാൽ രണ്ടാം പിണറായി സര്ക്കാറിന്റെ ആദ്യ ബജറ്റ് അവതരണത്തിലേക്ക് കടന്നത്. കൊവിഡ് ഉണ്ടാക്കിയ അസാധാരണ സാഹചര്യവും പ്രതിസന്ധിയും കണക്കിലെടുത്ത് പുതിയ നികുതി നിർദ്ദേശങ്ങളൊന്നും ബജറ്റിലില്ല. എന്നാൽ, നികുതി നിര്ദ്ദേശങ്ങളില്ല എന്ന തീരുമാനം താൽകാലികം മാത്രമാകുമെന്ന സൂചനയും ധനമന്ത്രി നൽകുന്നു. സംസ്ഥാനത്തിന്റെ ധനസ്ഥിതി അത്ര സുഖകരമല്ലെന്നും ധനമന്ത്രി സൂചിപ്പിച്ചു. കൊവിഡ് പ്രതിസന്ധി ഘട്ടത്തിൽ കടം വാങ്ങിയായാലും നാടിനെ രക്ഷിക്കുക എന്നതാണ് സമീപനമെന്നും ഇത് തുടരുമെന്നും ധനമന്ത്രി വ്യക്തമാക്കി. നികുതി, നികുതി ഇതര വരുമാനം എന്നിവ കൂട്ടി മുന്നോട്ട് പോകാനാണ് സര്ക്കാറിന്റെ തീരുമാനം. ഇതിന് ജനങ്ങൾ ഉത്സാഹം കാണിക്കണം. വ്യാപാരികളെ സമ്മര്ദ്ദത്തിലാക്കാൻ മുതിരില്ലെന്നും എന്നാല്, നികുതി വെട്ടിക്കുന്നവരെ നിലക്ക് നിര്ത്തുമെന്നും ധനമന്ത്രി പ്രസംഗത്തിൽ പറഞ്ഞു. കൊവിഡ് പ്രതിസന്ധി മറികടന്നാൽ പുതിയ നികുതി നിർദ്ദേശങ്ങളെ കുറിച്ച് ആലോചിക്കും. ജനപങ്കാളിത്തത്തോടെ മാത്രമേ സര്ക്കാറിന് സാമ്പത്തിക പ്രതിസന്ധി മറികടക്കാനാകൂ. സര്ക്കാരിന് കൊടുക്കേണ്ട നികുതി എല്ലാവരും കൊടുക്കാൻ തയ്യാറായാൽ തന്നെ പ്രതിസന്ധി തീരുമെന്നും ധനമന്ത്രി പറയുന്നു.
112
കൊവിഡ് രണ്ടാം തരംഗം സൃഷ്ടിച്ച പ്രതിസന്ധികളെ അതിജീവിക്കാനും മൂന്നാം തരംഗത്തിന് തടയിടാനും ലക്ഷ്യമിട്ടുള്ള വിപുലമായ പദ്ധതികള്ക്കാണ് ബജറ്റില് പ്രധാനമായും ഉന്നല് നല്കിയിരിക്കുന്നത്. ഒപ്പം കൊവിഡ് കാരണം പ്രതിസന്ധിയിലായ വിവിധ മേഖലകള്ക്കുള്ള പ്രത്യേക പാക്കേജുകളും പ്രഖ്യാപിച്ചു.
കൊവിഡ് രണ്ടാം തരംഗം സൃഷ്ടിച്ച പ്രതിസന്ധികളെ അതിജീവിക്കാനും മൂന്നാം തരംഗത്തിന് തടയിടാനും ലക്ഷ്യമിട്ടുള്ള വിപുലമായ പദ്ധതികള്ക്കാണ് ബജറ്റില് പ്രധാനമായും ഉന്നല് നല്കിയിരിക്കുന്നത്. ഒപ്പം കൊവിഡ് കാരണം പ്രതിസന്ധിയിലായ വിവിധ മേഖലകള്ക്കുള്ള പ്രത്യേക പാക്കേജുകളും പ്രഖ്യാപിച്ചു.
click me!