'വന്ദേഭാരത്'മിഷനില് മടങ്ങിയെത്തിയ അഞ്ച് പ്രവാസികള്ക്ക് കൊവിഡ്; മറ്റുള്ളവര് കര്ശന നിരീക്ഷണത്തില്
First Published May 11, 2020, 7:56 PM ISTകേരളത്തില് വീണ്ടും കൊവിഡ് മുക്തിയില്ലാത്ത ദിവസം. കഴിഞ്ഞ ദിവസങ്ങളില് ആശ്വാസത്തിന്റെ കണക്കുകളായിരുന്നെങ്കില് ഇന്ന് ആശങ്കയുടെ ദിവസമായിരുന്നു. ഏഴ് പേര്ക്ക് കൂടി രോഗം സ്ഥിരീകരിച്ചപ്പോള് ഒരാള്ക്ക് പോലും രോഗമുക്തി നേടാനായില്ല. പ്രവാസലോകത്ത് നിന്നും ഇതര സംസ്ഥാനങ്ങളില് നിന്നും മടങ്ങിയെത്തിയവര്ക്കാണ് കൂടുതലായും രോഗം സ്ഥിരീകരിക്കുന്നത്. 'വന്ദേഭാരത്' മിഷനില് മടങ്ങിയെത്തിയ അഞ്ച് പ്രവാസികള്ക്കാണ് ഇതുവരെ കൊവിഡ് സ്ഥിരീകരിച്ചത്. സംസ്ഥാനത്ത് 1307 പേരാണ് അടുത്തിടെ വിദേശത്ത് നിന്നും മടങ്ങിയെത്തിയത്. ഇതില് 650 പേര് വീട്ടിലും 641 പേര് കൊവിഡ് കെയര് സെന്ററിലും 16 പേര് ആശുപത്രികളിലും നിരീക്ഷണത്തിലാണ്. ഇതില് 229 പേര് ഗര്ഭിണികളാണെന്നും കണക്കുകള് വ്യക്തമാക്കുന്നു. ആശങ്ക കനക്കുകയാണെങ്കിലും ജാഗ്രത പൂര്വ്വമായ സമീപനത്തിലൂടെ കൊവിഡിനെതിരായ പോരാട്ടം കേരളം ശക്തമാക്കുകയാണ്.
ഇന്നത്തെ പ്രധാന സംഭവവികാസങ്ങള് ചിതങ്ങളിലൂടെ