പറമ്പിക്കുളം ഡാം ഷട്ടര് തകര്ച്ച; വളരെ മോശം മെയിന്റനന്സ് എന്ന് ഡാം സുരക്ഷാ അതോറിറ്റി മുൻ ചെയർമാൻ
First Published Sep 21, 2022, 3:55 PM ISTകേരളത്തിന്റെ ഡാമുകളുടെ ചരിത്രത്തില് ഒരു പക്ഷേ ആദ്യമായിട്ടാകും ഒരു ഡാം തനിയെ തുറക്കപ്പെടുന്നത്. സാങ്കേതിക പിഴവാണ് കാരണമെന്ന് പറയാമെങ്കിലും കേരളം പോലൊരു സംസ്ഥാനത്ത് ഡാം ഷട്ടറുകള് മുന്നറിയിപ്പൊന്നുമില്ലാതെ തുറക്കപ്പെടുമ്പോള് ഉണ്ടാകുന്ന നാശനഷ്ടം ഏറെ വലുതായിരിക്കും. പറമ്പിക്കുളം ഡാമിന്റെ മൂന്ന് ഷട്ടറുകളില് ഒന്ന് സാങ്കേതിക പിഴവ് മൂലം തകര്ന്നപ്പോള് മറ്റ് മൂന്ന് ഷട്ടറുകളില് അമിത ഭാരം ഏല്ക്കാതിരിക്കാന് അല്പം തുറന്ന് വച്ചു. ഇതോടെ ഡാമുകളില് നിന്നും പുറത്തെത്തുന്ന വെള്ളത്തിന്റെ അളവ് കൂടി. ചാലക്കുടി പുഴയുടെ കരകളിലുള്ളവര് ജാഗ്രത പാലിക്കണെന്ന് പാലക്കാട്. തൃശ്ശൂര് ജില്ലാ ഭരണകൂടങ്ങള് ആവശ്യപ്പെട്ടു. ഇതിനിടെ തമിഴ്നാട് കേരളത്തിലെ വിദഗ്ദ സംഘത്തെ ഡാം പരിശോധനയ്ക്ക് അനുമതി നല്കാറില്ലെന്ന ഗുരുതര ആരോപണവുമായി ഡാം സുരക്ഷാ അതോറിറ്റി മുൻ ചെയർമാൻ ജസ്റ്റിസ് സി എൻ രാമചന്ദ്രൻ നായർ രംഗത്തെത്തി. ചിത്രങ്ങള് പകര്ത്തിയത് ഏഷ്യാനെറ്റ് ക്യാമറാമാന്മാരായ സോളമന് റാഫേല് (പെരിങ്ങല്കുത്തില് നിന്ന് ), ശ്യാം (ചാലക്കുടി പുഴയില് നിന്ന്).