Land slide | ഉരുള്‍പൊട്ടലും മലവെള്ളപ്പാച്ചിലും, രണ്ട് വീടുകള്‍ തകര്‍ന്നു; ആളപായമില്ല
First Published Nov 11, 2021, 9:02 PM IST
എരുമേലിക്ക് (Erumeli) സമീപം കണമല എഴുത്വാപുഴയിൽ രണ്ടിടത്ത് ഉരുൾപൊട്ടിയതിനെ (landslide) തുടര്‍ന്ന് രണ്ട് വീടുകൾ തകർന്നു. ആളുകളെ സാഹസികമായി രക്ഷപ്പെടുത്തി. ബൈപ്പാസ് റോഡും തകർന്നു. പനന്തോട്ടം ജോസ്, തെന്നി പ്ലാക്കൽ ജോബിൻ എന്നിവരുടെ വീടുകളാണ് തകർന്നത്. ജോബിന്‍റെ പ്രായമായ അമ്മ ചിന്നമ്മക്ക് പരിക്കേറ്റു. പ്രായമായ ഒരു സ്ത്രീ ഉൾപ്പെടെ 7 പേരെ രക്ഷപ്പെടുത്തി. ജോസിന്‍റെ വീട്ടിന്‍റെ കാർപോർച്ചിൽ ഉണ്ടായിരുന്ന ഓട്ടോയും ഒരു ബൈക്കും ഉരുള്‍പ്പൊട്ടലിനെ തുടര്‍ന്ന് ഒലിച്ചു പോയി. വൈകീട്ടും അച്ചന്‍കോവിലാറില്‍ ജലനിരപ്പുയരുന്നതായാണ് റിപ്പോര്‍ട്ട്. രാത്രിയിലും ജലനിരപ്പുയരുകയാണെങ്കില്‍ അപകടകരമായ സാഹചര്യമാണെന്ന് മുന്നറിയിപ്പുണ്ട്.