കുതിച്ചുയര്ന്ന് പെട്രോള് വില; തിരുവനന്തപുരത്ത് പെട്രോള് പമ്പില് ഒറ്റക്കാല് തപസുമായി യുവാവിന്റെ പ്രതിഷേധം
അന്തമില്ലാതെ ഉയരുന്ന പെട്രോള് വിലയില് പ്രതിഷേധിച്ച് പെട്രോള് പമ്പില് ഒറ്റക്കാല് തപസുമായി യുവാവ്. പെട്രോളിന് ലിറ്ററിന് 29 പൈസ ഇന്ന് വര്ദ്ധിച്ചതോടെ തിരുവനന്തപുരം നഗരത്തില് സാധാരണ പെട്രോളിന് ലിറ്ററിന് വില 98.45 രൂപയായി. ഡീസലിന് 31 പൈസ കൂട്ടി, 93.79 രൂപയിലെത്തിച്ചു. പെട്രോള് വില കുതിച്ചുയരുന്നതിനിടെ വ്യത്യസ്തമായ പ്രതിഷേധങ്ങളുമായി വ്യക്തികളും രംഗത്തെത്തി. കഴിഞ്ഞ ദിവസം ആലപ്പുഴയിലെ പെട്രോള് പമ്പില് ജിഷ്ണു എന്നയാള് സാങ്കല്പിക ക്രിക്കറ്റ് കളി നടത്തി 'സ്വഞ്ചറി'യടിച്ചത് വാര്ത്തയായിരുന്നു. അതിന് പുറകെയാണ് തിരുവനന്തപുരത്ത് സ്റ്റാച്ച്വുവിലെ പെട്രോള് പമ്പില് ഒറ്റക്കാല് തപസുമായി വിതുര മീനാങ്കല് സ്വദേശി അജു കെ മധു എത്തിയത്. ചിത്രങ്ങള് അരുണ് കടയ്ക്കല്.
42 ദിവസത്തിനിടെ 24 തവണയാണ് രാജ്യത്ത് ഇന്ധനവില കൂട്ടുന്നത്. രാജ്യത്തെ പല നഗരങ്ങളിലും ഇന്ധനവില സെഞ്ച്വറിയടിച്ചിട്ട് ആഴ്ചകളായി. കേരളത്തിൽ പ്രീമിയം പെട്രോൾ വില 100-ലെത്തിയിട്ട് ദിവസങ്ങളായി. സാധാരണ പെട്രോൾ വില നൂറിനടുത്ത് ഇന്നല്ലെങ്കില് നാളെ എന്ന് പറഞ്ഞ് നില്ക്കുന്നു. കൊവിഡ് മഹാമാരിക്കാലത്ത് ജനത്തിന്റെ നട്ടെല്ലൊടിക്കുകയാണ് ഈ നടപടിയിലൂടെ കേന്ദ്രസർക്കാരും എണ്ണക്കമ്പനികളും ചെയ്യുന്നതെന്ന് പ്രതിപക്ഷവും ആരോപിക്കുന്നു.
42 ദിവസത്തിനിടെ 24 തവണയാണ് രാജ്യത്ത് ഇന്ധനവില കൂട്ടുന്നത്. രാജ്യത്തെ പല നഗരങ്ങളിലും ഇന്ധനവില സെഞ്ച്വറിയടിച്ചിട്ട് ആഴ്ചകളായി. കേരളത്തിൽ പ്രീമിയം പെട്രോൾ വില 100-ലെത്തിയിട്ട് ദിവസങ്ങളായി. സാധാരണ പെട്രോൾ വില നൂറിനടുത്ത് ഇന്നല്ലെങ്കില് നാളെ എന്ന് പറഞ്ഞ് നില്ക്കുന്നു. കൊവിഡ് മഹാമാരിക്കാലത്ത് ജനത്തിന്റെ നട്ടെല്ലൊടിക്കുകയാണ് ഈ നടപടിയിലൂടെ കേന്ദ്രസർക്കാരും എണ്ണക്കമ്പനികളും ചെയ്യുന്നതെന്ന് പ്രതിപക്ഷവും ആരോപിക്കുന്നു.