വലയില് കുടുങ്ങിയ തിമിംഗല സ്രാവിനെ കടലിലേക്ക് തന്നെ തിരിച്ചയച്ച് കടലിന്റെ മക്കള്
വെള്ളുടുമ്പ്, ആന എന്നീ പ്രാദേശിക പേരുകളില് അറിയപ്പെടുന്ന കടലിലെ ഏറ്റവും ശാന്തനായ മത്സ്യങ്ങളിലൊന്നായ വെയില് ഷാര്ക്ക് എന്ന തിമിംഗല സ്രാവ് ഇന്നലെ ശംഖുമുഖം കടപ്പുറത്ത് വലവീശിയ ജോൺ മാർട്ടിന്റെ വലയില് അകപ്പെട്ടു. എന്നാല്, കടലിന്റെ മക്കള് തങ്ങളുടെ വലയില് അകപ്പെട്ട വെള്ളുടുമ്പിനെ തിരികെ കടലിലേക്ക് തന്നെ വിട്ടയച്ചു. തിമിംഗല സ്രാവുകള് ഭക്ഷ്യയോഗ്യമായ മത്സ്യമല്ല. ശംഖുമുഖം തീരത്ത് വലയില് കുരുങ്ങിയ തിമിംഗല സ്രാവിനെ മണിക്കൂറുകളോളം പണിപ്പെട്ട് രക്ഷപ്പെടുത്തിയ കടലിന്റെ മക്കള്, കടലിലേക്ക് തന്നെ തിരിച്ചുവിടുകയായിരുന്നു. കൊറോണയും ചുഴലിക്കാറ്റും അറുതിയും വറുതിയും തീര്ത്ത തീരത്ത് നിന്നും കനിവ് കിട്ടിയ തിമിംഗല സ്രാവ് കടലിലേക്ക് തന്നെ മടങ്ങി. ശംഖുമുഖത്ത് നിന്നും ചിത്രങ്ങള് പകര്ത്തിയത് അജിത്ത് ശംഖുമുഖം.
കഴിഞ്ഞ കുറച്ചേറെ മാസങ്ങളായിട്ട് കടല്തീരത്തെ വീടുകള് പാതി പട്ടിണിയിലോ മുഴുവന് പട്ടിണിയിലൂടെയോ ആണ് കടന്ന് പോകുന്നത്. ആദ്യം കൊറോണയും പിന്നെ ഒന്നിന് പുറകേ ഒന്നായി വീശുന്ന ചുഴലിക്കാറ്റുകളും കടലിലേക്കിറങ്ങാന് മത്സ്യത്തൊഴിലാളികളെ തടയുന്നു. കടലിലിറങ്ങിയില്ലെങ്കില് ഇന്നും അടുപ്പു പുകയാന് മറ്റ് വഴികള് മത്സ്യത്തൊഴിലാളിക്ക് മുന്നിലില്ല. (മത്സ്യത്തൊഴിലാളികള് രക്ഷപ്പെടുത്തി കടലിലേക്ക് തന്നെ വിട്ട വെള്ളുടുമ്പ് അഥവാ തിമിംഗല സ്രാവ് )
കഴിഞ്ഞ കുറച്ചേറെ മാസങ്ങളായിട്ട് കടല്തീരത്തെ വീടുകള് പാതി പട്ടിണിയിലോ മുഴുവന് പട്ടിണിയിലൂടെയോ ആണ് കടന്ന് പോകുന്നത്. ആദ്യം കൊറോണയും പിന്നെ ഒന്നിന് പുറകേ ഒന്നായി വീശുന്ന ചുഴലിക്കാറ്റുകളും കടലിലേക്കിറങ്ങാന് മത്സ്യത്തൊഴിലാളികളെ തടയുന്നു. കടലിലിറങ്ങിയില്ലെങ്കില് ഇന്നും അടുപ്പു പുകയാന് മറ്റ് വഴികള് മത്സ്യത്തൊഴിലാളിക്ക് മുന്നിലില്ല. (മത്സ്യത്തൊഴിലാളികള് രക്ഷപ്പെടുത്തി കടലിലേക്ക് തന്നെ വിട്ട വെള്ളുടുമ്പ് അഥവാ തിമിംഗല സ്രാവ് )