നിങ്ങൾ അറിയാതെ നിങ്ങളുടെ പേരിൽ ആരെങ്കിലും ലോൺ എടുത്തിട്ടുണ്ടോ? ഇത് വലിയ തലവേദനയായേക്കാം. എന്നാൽ പേടിക്കേണ്ട, ഇത് കണ്ടെത്താൻ വളരെ എളുപ്പമാണ്. അതിനുള്ള വഴികൾ അറിയാം...
നിങ്ങളുടെ പേരിൽ എത്ര ലോണുകളുണ്ടെന്ന് അറിയാനുള്ള ഏറ്റവും വിശ്വസനീയമായ മാർഗം ക്രെഡിറ്റ് റിപ്പോർട്ട് പരിശോധിക്കുകയാണ്. TransUnion CIBIL, Experian, Equifax, CRIF High Mark പോലുള്ള ഏജൻസികളാണ് ഇന്ത്യയിൽ ക്രെഡിറ്റ് റിപ്പോർട്ടുകൾ തയ്യാറാക്കുന്നത്. നിങ്ങളുടെ എല്ലാ ലോണുകൾ, ക്രെഡിറ്റ് കാർഡുകൾ, ഇഎംഐ വിവരങ്ങൾ, ക്രെഡിറ്റ് സ്കോർ എന്നിവയെല്ലാം ഈ റിപ്പോർട്ടിലുണ്ടാകും. വർഷത്തിൽ ഒരിക്കലെങ്കിലും റിപ്പോർട്ട് പരിശോധിക്കണം. നിങ്ങൾ എടുക്കാത്ത ഏതെങ്കിലും ലോൺ അതിൽ കണ്ടാൽ ഉടൻ നടപടിയെടുക്കണം. ഒരു ചെറിയ പിഴവ് പോലും നിങ്ങളുടെ ക്രെഡിറ്റ് സ്കോർ കുറയ്ക്കാൻ കാരണമാകും.
26
ബാങ്ക് സ്റ്റേറ്റ്മെൻ്റ്
മിക്ക ലോണുകളുടെയും ഇഎംഐ നേരിട്ട് ബാങ്ക് അക്കൗണ്ടിൽ നിന്നാണ് പിടിക്കുന്നത്. അതിനാൽ, നിങ്ങളുടെ ബാങ്ക് സ്റ്റേറ്റ്മെൻ്റ് എപ്പോഴും ശ്രദ്ധയോടെ പരിശോധിക്കുക. അറിയാത്ത ഏതെങ്കിലും കമ്പനിയുടെ പേരിൽ പണം പോകുന്നുണ്ടോ, അല്ലെങ്കിൽ സംശയകരമായ ഇഎംഐ കാണുന്നുണ്ടോ എന്ന് നോക്കുക. ഇത് ഒരു വ്യാജ ലോണിൻ്റെ സൂചനയാകാം. ലോൺ പാസാകുമ്പോഴും ഇഎംഐ അടയ്ക്കേണ്ട തീയതി ആകുമ്പോഴും ബാങ്കുകളും ധനകാര്യ സ്ഥാപനങ്ങളും എസ്എംഎസ്, ഇമെയിൽ അലേർട്ടുകൾ അയക്കാറുണ്ട്. പലരും ഈ സന്ദേശങ്ങൾ വായിക്കാതെ ഡിലീറ്റ് ചെയ്യാറാണ് പതിവ്. എന്നാൽ ഇത്തരം സന്ദേശങ്ങൾ ഒരു മുന്നറിയിപ്പായി കണക്കാക്കണം.
36
നെറ്റ് ബാങ്കിംഗ്
നിങ്ങൾ മുൻപ് ഏതെങ്കിലും ബാങ്കിൽ നിന്നോ ധനകാര്യ സ്ഥാപനത്തിൽ നിന്നോ ലോൺ എടുത്തിട്ടുണ്ടെങ്കിൽ, അവരുടെ നെറ്റ് ബാങ്കിംഗ് പോർട്ടലിലോ മൊബൈൽ ആപ്പിലോ ലോഗിൻ ചെയ്ത് ലോൺ വിഭാഗം പരിശോധിക്കുക. നിങ്ങളുടെ പേരിൽ ഏതൊക്കെ ലോണുകൾ ആക്റ്റീവ് ആണെന്നും എത്ര ഇഎംഐ ബാക്കിയുണ്ടെന്നും അവിടെ വ്യക്തമായി കാണാൻ സാധിക്കും. നിങ്ങൾക്ക് ഓർമ്മയില്ലാത്ത ഏതെങ്കിലും ലോൺ അവിടെ കണ്ടാൽ, ഉടൻ തന്നെ ബാങ്കുമായി ബന്ധപ്പെട്ട് രേഖാമൂലം വിശദീകരണം ആവശ്യപ്പെടുക.
ക്രെഡിറ്റ് റിപ്പോർട്ടിലെ ഏതെങ്കിലും വിവരത്തെക്കുറിച്ച് സംശയമുണ്ടെങ്കിൽ, നേരിട്ട് ബാങ്ക് ശാഖയിൽ പോയി സംസാരിക്കുന്നതാണ് നല്ലത്. നിങ്ങളുടെ ആധാർ, പാൻ കാർഡ് പോലുള്ള തിരിച്ചറിയൽ രേഖകൾ കയ്യിൽ കരുതണം. ലോൺ യഥാർത്ഥത്തിൽ നിങ്ങളുടെ പേരിലാണോ അതോ റിപ്പോർട്ടിംഗിൽ വന്ന പിഴവാണോ എന്ന് ബാങ്ക് ഉദ്യോഗസ്ഥർക്ക് പരിശോധിക്കാൻ കഴിയും. ഭാവിയിൽ പ്രശ്നങ്ങൾ ഒഴിവാക്കാൻ, ആവശ്യമെങ്കിൽ രേഖാമൂലം വിശദീകരണം വാങ്ങി സൂക്ഷിക്കുക.
56
പരാതി നൽകുക
നിങ്ങൾ എടുക്കാത്ത ലോണാണെന്ന് ഉറപ്പായാൽ ഒട്ടും വൈകരുത്. ഉടൻ തന്നെ ബന്ധപ്പെട്ട ക്രെഡിറ്റ് ബ്യൂറോയിൽ പരാതി നൽകുക. അതോടൊപ്പം, ആ ബാങ്കിനോ ധനകാര്യ സ്ഥാപനത്തിനോ രേഖാമൂലം പരാതി അയക്കുക. നിങ്ങളുടെ തിരിച്ചറിയൽ രേഖകൾ മോഷ്ടിച്ചാണ് തട്ടിപ്പ് നടത്തിയതെങ്കിൽ, പൊലീസിൽ പരാതി നൽകുന്നതും പ്രധാനമാണ്. എത്രയും പെട്ടെന്ന് നടപടിയെടുക്കുന്നുവോ, അത്രയും വേഗത്തിൽ നിങ്ങളുടെ ക്രെഡിറ്റ് സ്കോർ സുരക്ഷിതമാക്കാം.
66
ഭാവിയിലെ ബുദ്ധിമുട്ടുകൾ ഒഴിവാക്കാം
നിങ്ങളുടെ ക്രെഡിറ്റ് റിപ്പോർട്ട് ഒരു സാമ്പത്തിക രേഖ പോലെയാണ്. അതിൽ തെറ്റായ ഒരു ലോൺ വിവരമുണ്ടെങ്കിൽ, ഭാവിയിൽ നിങ്ങൾക്ക് ഹോം ലോൺ, കാർ ലോൺ, അല്ലെങ്കിൽ ക്രെഡിറ്റ് കാർഡ് എന്നിവ ലഭിക്കാൻ ബുദ്ധിമുട്ടുണ്ടായേക്കാം. വർഷത്തിൽ ഒരിക്കൽ അൽപസമയം ഇതിനായി മാറ്റിവെച്ചാൽ, വലിയ സാമ്പത്തിക ബാധ്യതകളിൽ നിന്നും മാനസിക പിരിമുറുക്കത്തിൽ നിന്നും നിങ്ങൾക്ക് രക്ഷപ്പെടാം.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.
