നൃത്തം ചെയ്യുന്ന ലെമറുകള്‍; തരംഗമായി മൃഗശാലയില്‍ നിന്നുള്ള ദൃശ്യങ്ങള്‍
First Published May 28, 2021, 4:57 PM ISTവംശനാശഭീഷണി നേരിടുന്ന ജീവിവർഗ്ഗങ്ങളുടെ പ്രജനന പദ്ധതിയുടെ ഭാഗമായി ചെസ്റ്റർ മൃഗശാലയിലെത്തിയ രണ്ട് ലെമറുകള്‍ നൃത്തം ചെയ്യുന്ന വീഡിയോ സാമൂഹ്യ മാധ്യമങ്ങളില്‍ വൈറലായി. ഗുരുതരമായി വംശനാശഭീഷണി നേരിടുന്ന കോക്വെറല്‍സ് വിഭാഗത്തില്‍പ്പെട്ട സിഫാക്ക ലെമറുകൾ ചെസ്റ്ററിലെ മൃഗശാലാ അന്തരീക്ഷവുമായി പെട്ടെന്ന് ഇണങ്ങി. കാലുകള്‍ ഉയര്‍ത്തി വച്ച് വശങ്ങളിലേക്ക് ചാടിചാടിപ്പോകുന്ന ലെമറുകള്‍ നൃത്തം ചെയ്യുകയോയെന്ന് കാഴ്ചക്കാര്‍ക്ക് തോന്നും. ഈ ആഴ്ചയാണ് എട്ട് വയസുള്ള ലെമറുകളായ ബിയാട്രീസും എലിയറ്റും നോർത്ത് കരോലിനയിലെ 4,000 മൈൽ അകലെയുള്ള ഡ്യൂക്ക് ലെമൂർ സെന്‍ററിൽ നിന്ന് ചെസ്റ്ററിലെത്തിയത്. അതിന് പിന്നാലെ മൃഗശാലാ അധികൃതര്‍ പുറത്ത് വിട്ട വിഡിയോ സാമൂഹ്യമാധ്യമങ്ങില്‍ തരംഗമാവുകയായിരുന്നു.