ട്രംപിനായി മോദി പണിത മതിലുകള്; കാണാം ട്രോള്
First Published Feb 14, 2020, 11:10 AM IST2001 ഒക്ടോബര് 7 നാണ് നരേന്ദ്ര മോദി ഗുജറാത്തിന്റെ മുഖ്യമന്ത്രിയായി അധികാരമേറ്റത്. അന്ന് തൊട്ട് 2014 ല് ഇന്ത്യന് പ്രധാനമന്ത്രിയാകുന്നത് വരെ ഗുജറാത്ത് എന്നാല് മോദിയായിരുന്നു. ഇന്നും ഗുജറാത്തില് മോദിക്ക് മേലെ മറ്റൊരു വാക്കില്ല. 2014 മുതല് ഇന്ത്യയുടെ പ്രധാനമന്ത്രിയാണ് മോദി. പക്ഷേ തന്റെ ഏറ്റവുമടുത്ത സുഹൃത്തിനെ സ്വന്തം നാട്ടിലേക്ക് അതിഥിയായി ക്ഷണിച്ചാനയിക്കുമ്പോള്, മതില് കെട്ടി സ്വന്തം പ്രജകളെയും മാറ്റി നിര്ത്തേണ്ട ഗതികേടിലാണ് അദ്ദേഹം. ദേശീയ അന്തര്ദേശീയ മാധ്യമങ്ങളില് വരെ ഇത് സംബന്ധിച്ച വാര്ത്തകളാണ്. 'മെയ്ക്ക് ഇന് ഇന്ത്യ' എന്നായിരുന്നു മോദിയുടെ മന്ത്രം. പക്ഷേ മന്ത്രങ്ങള്ക്ക് ശക്തിക്ഷയം സംഭവിച്ചിരിക്കുന്നു. കാണാം ട്രംപിനായി മോദി പണിത മതിലുകള്.