അങ്കമാലിയെ കോരിത്തരിപ്പിച്ച് മമ്മൂട്ടി; 'എന്നും ഞങ്ങളുടെ ആവേശ'മെന്ന് ആരാധകർ

മലയാളികൾക്ക് എന്നും ആവേശമാണ് മമ്മൂട്ടി. പ്രായം വെറും നമ്പർ മാത്രമാണെന്ന് ഓരോ നിമിഷവും മലയാളികളെ ഓർമ്മിപ്പിക്കുന്ന താരം തന്റെ സിനിമാ ജീവിതത്തിൽ 51 വർഷങ്ങൾ പിന്നിട്ടു കഴിഞ്ഞു. പ്രേക്ഷകന്റെ മനസ്സിൽ എന്നും തങ്ങിനിൽക്കുന്ന ഒരുപിടി മികച്ച കഥാപാത്രങ്ങളെ സമ്മാനിച്ചുകൊണ്ട് ആരാധകരുടെ പ്രിയപ്പെട്ട മമ്മൂക്ക ജൈത്രയാത്ര തുടരുകയാണ്. മമ്മൂട്ടിയുടേതായി പുറത്തുവരുന്ന ഫോട്ടോകളും വീഡിയോകളും ഞൊടിയിട കൊണ്ടാണ് സമൂഹമാധ്യമങ്ങളിൽ വൈറലാകുന്നത്. അത്തരത്തിൽ താരത്തെ കാണാനായി തടിച്ചുകൂടിയ ജനങ്ങളെയും മമ്മൂട്ടിയുടെ സൂപ്പർ‌ലുക്കുമാണ് ഇപ്പോൾ ശ്രദ്ധപിടിച്ചുപറ്റുന്നത്. 

അങ്കമാലിയിൽ ഒരു ഉദ്ഘാടനത്തിന് എത്തിയതായിരുന്നു മമ്മൂട്ടി. സ്റ്റൈലിഷ് ലുക്കിൽ വന്നിറങ്ങിയ താരത്തെ വരവേറ്റത് വൻ ജനക്കൂട്ടമാണ്. സ്റ്റൈലിഷ് ലുക്കിൽ കൂളിം​ഗ് ​ഗ്ലാസ് ധരിച്ചാണ് മമ്മൂട്ടി പരിപാടിക്ക് എത്തിയത്. 

കഴിഞ്ഞ ആഴ്ച സമാനമായ സംഭവം ആലപ്പുഴ ഹരിപ്പാടും നടന്നിരുന്നു. ഹരിപ്പാട് പുതിയതായി ആരംഭിക്കുന്നൊരു സ്ഥാപനം ഉദ്ഘാടനം ചെയ്യാനെത്തിയതായിരുന്നു മമ്മൂട്ടി. ഒരിടവേളക്ക് ശേഷം മമ്മൂട്ടി വലിയൊരു ജനസാ​ഗത്തിന് എത്തിയതും ഈ പരിപാടിക്കായിരുന്നു. ആലപ്പുഴ എം.പി എ.എം ആരിഫ്, ഹരിപ്പാട് എംഎല്‍എ രമേശ് ചെന്നിത്തലല എന്നിവരും ചടങ്ങില്‍ സന്നിഹിതരയിരുന്നു. 

ഇവിടെ വച്ച് റോഡ് ബ്ലോക്ക് ആയതിന് കുറിച്ച് മമ്മൂട്ടി പറഞ്ഞ വാക്കുകൾ ഏറെ ശ്രദ്ധപിടിച്ചു പറ്റി. 'നമ്മള്‍ ഇത്രയും നേരം ഈ റോഡ് ബ്ലോക്ക് ആക്കി നിര്‍ത്തിയിരിക്കുകയാണ്. എത്രയും വേഗം ഈ പരിപാടി തീര്‍ത്തുപോയാലെ അത്യാവശ്യക്കാര്‍ക്ക് പോകാന്‍ കഴിയൂ. നമ്മള്‍ സന്തോഷിക്കുവാണ്. പക്ഷേ അവര്‍ക്ക് ഒരുപാട് അത്യാവശ്യം കാണും. ഞാന്‍ ഈ പരിപാടി നടത്തി വേഗം പോകും. നമുക്ക് വീണ്ടും കാണാം', എന്നാണ് മമ്മൂട്ടി പറഞ്ഞത്. 

അതേസമയം, ബി ഉണ്ണികൃഷ്ണൻ ചിത്രത്തിലാണ് മമ്മൂട്ടി ഇപ്പോൾ അഭിനയിച്ചു കൊണ്ടിരിക്കുന്നത്.മമ്മൂട്ടിയെ നായകനാക്കി ബി ഉണ്ണികൃഷ്ണന്‍ ഒരുക്കുന്ന രണ്ടാമത്തെ ചിത്രം ആണിത്. 2010ല്‍ പുറത്തെത്തിയ പ്രമാണിയാണ് ഇരുവരും ഒന്നിച്ച ആദ്യ ചിത്രം.

ത്രില്ലർ വിഭാ​ഗത്തിൽ‌പ്പെടുന്ന ചിത്രം കൂടിയാണിത്. ഇനിയും പേരിട്ടിട്ടില്ലാത്ത ചിത്രത്തിന്‍റെ തിരക്കഥ ഉദയകൃഷ്ണയുടേതാണ്. ആറാട്ടിന് ശേഷം ബി ഉണ്ണികൃഷ്ണൻ സംവിധാനം ചെയ്യുന്ന ചിത്രം കൂടിയാണിത്. 

മമ്മൂട്ടിയെ നായകനാക്കി ബി ഉണ്ണികൃഷ്ണന്‍ ഒരുക്കുന്ന രണ്ടാമത്തെ ചിത്രം ആണിത്. 2010ല്‍ പുറത്തെത്തിയ പ്രമാണിയാണ് ഇരുവരും ഒന്നിച്ച ആദ്യ ചിത്രം. ഒരു പൊലീസ് ഓഫീസറുടെ റോളിലാണ് മമ്മൂട്ടി എത്തുക.

റോഷാക്ക്, നൻപകൽ‌ നേരത്ത് മയക്കം തുടങ്ങിയ ചിത്രങ്ങളാണ് മമ്മൂട്ടിയുടേതായി റിലീസ് കാത്തിരിക്കുന്ന ചിത്രങ്ങൾ. ലിജോ ജോസ് പെല്ലിശ്ശേരിയുടെ ചിത്രമാണ് നൻപകൽ നേരത്ത് മയക്കം. ചിത്രവുമായി ബന്ധപ്പെട്ട് വന്ന ടീസർ ഏറെ ശ്രദ്ധനേടിയിരുന്നു.