'ജോര്‍ജുകുട്ടി'ക്കും കുടുംബത്തിനുമൊപ്പം മൊബൈല്‍ ഷോപ്പില്‍; ചിത്രങ്ങള്‍ പങ്കുവച്ച് ജീത്തു ജോസഫ്
First Published Oct 21, 2020, 9:43 PM IST'ദൃശ്യം 2' ചിത്രീകരണം ആരംഭിച്ചതു മുതല്‍ ചിത്രത്തിന്‍റെ ഓരോ അപ്‍ഡേറ്റും വാര്‍ത്തയാവാറുണ്ട്. ഒരു മെഗാഹിറ്റ് ചിത്രത്തിന്‍റെ രണ്ടാംഭാഗം എന്നതിനൊപ്പം കൊവിഡ് കാലത്ത് ചിത്രീകരണം ആരംഭിക്കുന്ന മലയാളത്തിലെ ആദ്യ സൂപ്പര്‍താര ചിത്രം എന്നതും 'ദൃശ്യം 2' ലൊക്കേഷനിലേക്ക് പ്രേക്ഷകശ്രദ്ധയെ ക്ഷണിക്കുന്ന ഘടകമാണ്. ചിത്രീകരണത്തിന്‍റെ ഭാഗമായി മോഹന്‍ലാല്‍ അവതരിപ്പിക്കുന്ന 'ജോര്‍ജുകുട്ടി'യും കുടുംബവും ഒരു മൊബൈല്‍ ഷോപ്പിലെത്തുന്നതിന്‍റെ സ്റ്റില്ലുകള്‍ രാവിലെ മുതല്‍ക്കേ സോഷ്യല്‍ മീഡിയയില്‍ വൈറല്‍ ആയിരുന്നു. ഇപ്പോഴിതാ അവിടെനിന്നുള്ള ചില ക്ലിക്കുകള്‍ ഒഫിഷ്യല്‍ ആയി പുറത്തുവിട്ടിരിക്കുകയാണ് സംവിധായകന്‍ ജീത്തു ജോസഫ്.