ആരാധകര്‍ക്കൊപ്പം അവരിലൊരാളായി വിജയ്; ട്വിറ്ററില്‍ ട്രെന്‍ഡിംഗ് ആയി ചിത്രങ്ങള്‍
First Published Oct 24, 2020, 10:31 AM ISTതമിഴ് സിനിമയില്‍ ഏറ്റവും ആരാധകരുള്ള താരങ്ങളിലൊരാളാണ് വിജയ്. പുതിയ സിനിമകളുടെ റിലീസ് മാത്രമല്ല തങ്ങളുടെ പ്രിയതാരത്തിന്‍റെ പ്രധാന ഹിറ്റുകളുടെ വാര്‍ഷികങ്ങളും 'ഇളയ ദളപതി'യുടെ പിറന്നാളുമൊക്കെ അവര്‍ക്ക് ആഘോഷിക്കാനുള്ള കാരണങ്ങളാണ്. കൊവിഡ് പ്രതിരോധ പ്രവര്‍ത്തനങ്ങളിലും വിജയ് ഫാന്‍സ് അസോസിയേഷന്‍ പ്രവര്‍ത്തകര്‍ ഭാഗഭാക്കാവുന്നുണ്ട്. ഇടയ്ക്കൊക്കെ ആരാധകരുമായി നേരില്‍ സംവദിക്കാനും വിജയ് സമയം കണ്ടെത്താറുണ്ട്. അത്തരത്തില്‍ ഒരു ദിവസമായിരുന്നു ഇന്നലെ. അതിന്‍റെ ചിത്രങ്ങള്‍ ആരാധകരില്‍ പലരും ട്വിറ്ററില്‍ പോസ്റ്റ് ചെയ്ത് തുടങ്ങിയതോടെ 'Thalapathy', 'Master' തുടങ്ങി നിരവധി ഹാഷ് ടാഗുകളും ട്വിറ്ററില്‍ ട്രെന്‍ഡിംഗ് ആയി.