വിഷു സ്പെഷ്യലാണെന്ന് ഷഫ്ന; അടിപൊളിയെന്ന് ആരാധകർ
First Published Apr 19, 2024, 7:53 AM ISTവിഷു സ്പെഷ്യലാണ് ചിത്രങ്ങളെങ്കിലും വിവിധ സാരികളിലുള്ള ചിത്രങ്ങൾ മാത്രമാണ് താരം പങ്കുവെക്കുന്നത്.
വിഷു സ്പെഷ്യലാണ് ചിത്രങ്ങളെങ്കിലും വിവിധ സാരികളിലുള്ള ചിത്രങ്ങൾ മാത്രമാണ് താരം പങ്കുവെക്കുന്നത്.
മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട താരജോഡിയാണ് ഷഫ്‌നയും സജിനും. കഴിഞ്ഞ വാര്‍ഷിക ദിനത്തില്‍ ഷഫ്ന പങ്കുവച്ച പ്രണയാര്‍ദ്രമായ കുറിപ്പ് സോഷ്യല്‍ മീഡിയയില്‍ വൈറലായി മാറിയിരുന്നു.
സിനിമാക്കഥ പോലെ ട്വിസ്റ്റുകള്‍ നിറഞ്ഞ ആ പ്രണയ കഥയും വൈറലായിരുന്നു. പത്ത് വര്‍ഷത്തെ ദാമ്പത്യ ജീവിതത്തെക്കുറിച്ചും തങ്ങള്‍ക്ക് നേരിടേണ്ടി വന്ന പ്രതിസന്ധികളെക്കുറിച്ചുമൊക്കെ ഷഫ്‌നയും സജിനും മുമ്പ് പലപ്പോഴും മനസ് തുറന്നിട്ടുണ്ട്.
ഇപ്പോഴിതാ ഷഫ്ന ഇൻസ്റ്റഗ്രാമിൽ പങ്കുവെക്കുന്ന ചിത്രങ്ങൾ ആരാധകർ ഏറ്റെടുത്തിരിക്കുകയാണ്. വിഷു സ്പെഷ്യലാണ് ചിത്രങ്ങളെങ്കിലും വിവിധ സാരികളിലുള്ള ചിത്രങ്ങൾ മാത്രമാണ് താരം പങ്കുവെക്കുന്നത്.
കസവ് സാരിയാണ് കൂടുതലായി ഉപയോഗിച്ചിരിക്കുന്നത്. സ്നേഹത്തിൽ പൊതിഞ്ഞ വിഷു ദിനത്തിലെ സ്പെഷ്യലായാണ് ചിത്രങ്ങൾ നടി പങ്കുവെച്ചിരിക്കുന്നത്. ഓരോ സാരിയ്ക്കും അതിൻറേതായ വ്യത്യസ്തത നൽകിയാണ് താരം അണിഞ്ഞിരിക്കുന്നത്.
എല്ലാ ചിത്രങ്ങളും അടിപൊളിയായിരിക്കുന്നുവെന്നാണ് ആരാധകർക്ക് പറയാനുള്ളത്. സജിനൊപ്പമുള്ള ചിത്രങ്ങളും ഇക്കൂട്ടത്തിലുണ്ട്.
അഭിനേത്രിയെന്ന നിലയില്‍ ഷഫന കരിയര്‍ ആരംഭിക്കുന്നത് സിനിമകളിലൂടെയാണ്. പിന്നീട് ടെലിവിഷന്‍ പരമ്പരകളിലേക്ക് എത്തുകയായിരുന്നു.
മണിമുത്ത് എന്ന സീരിയലിലാണ് നടി ഒടുവിലായി അഭിനയിക്കുന്നത്. സാന്ത്വനം എന്ന സൂപ്പര്‍ ഹിറ്റ് പരമ്പരയിലെ ശിവന്‍ ആയിട്ടാണ് സജിനെ മലയാളികള്‍ പരിചയപ്പെടുന്നത്. ജനപ്രീയ പരമ്പരയിലെ ജനപ്രീയ കഥാപാത്രത്തെ അവതരിപ്പിച്ചാണ് സജിനും താരമായി മാറുന്നത്.
ഷഫ്ന മലയാളത്തില്‍ മാത്രമല്ല മറ്റ് ഭാഷകളിലും സാന്നിധ്യം അറിയിച്ച നടിയാണ്. എന്നാല്‍ അഭിനയ മോഹം കൊണ്ടു നടന്നിട്ടും വിജയം കണ്ടെത്താന്‍ സജിന് കാലങ്ങളോളം കാത്തിരിക്കേണ്ടി വന്നു.
സാന്ത്വനവും ശിവനും തന്നെ തേടിയെത്തുന്നത് വരെ. സീരിയല്‍ ചെയ്യാന്‍ ആദ്യം സജിന് താല്‍പര്യം തോന്നുകയും ചെയ്തിരുന്നില്ല. പക്ഷെ പിന്നീട് ആ തീരുമാനം മാറി. അതോടെ സജിന്റെ കരിയറും മാറി മറഞ്ഞു. ഇന്ന് മലയാളത്തിലെ ഏറ്റവും ജനപ്രീയ സീരിയല്‍ താരങ്ങളില്‍ ഒരാളാണ് സജിന്.