55 ദിവസം ഡല്ഹിയില് കുടുങ്ങി; ഒടുവില് സാഹസികമായി നാട്ടില് തിരിച്ചെത്തി സുധീര്കുമാര് ഗൗതം
First Published May 16, 2020, 3:45 PM ISTപറ്റ്ന: ഇന്ത്യന് ക്രിക്കറ്റ് ടീമിന്റെയും ബാറ്റിംഗ് ഇതിഹാസം സച്ചിന് ടെന്ഡുല്ക്കറുടെയും ഏറ്റവും വലിയ ആരാധകനാണ് സുധീര്കുമാര് ഗൗതം. ഇന്ത്യയുടെ മത്സരങ്ങളില് ദേഹം മുഴുവന് ത്രിവര്ണപതാകയിലെ നിറങ്ങള് പൂശി വലിയൊരു ഇന്ത്യന് പതാകയും ശംഖുമായാണ് സുധീര് കളി കാണാനെത്തുക. സുധീറിന് കളി കാണാനുള്ള ടിക്കറ്റ് നല്കുന്നതാകട്ടെ സാക്ഷാല് സച്ചിന് ടെന്ഡുല്ക്കറും.ആദ്യ പന്തെറിയുന്നതിന് മുമ്പ് സുധീറിന്റെ ശംഖ് വിളി സ്റ്റേഡിയത്തില് മുഴുങ്ങും. ഇന്ത്യയുടെ നേട്ടങ്ങള്ക്കൊപ്പം സുധീറിന്റെ കൈയിലെ ദേശീയ പതാകയും സ്റ്റേഡിയത്തില് ഉയര്ന്നു പാറും.