മൗഗ്ലിയെ പോലൊരു കുഞ്ഞ്, വളര്ത്തിയത് ചെന്നായകള്; ഒടുവില് സംഭവിച്ചത്...
മൗഗ്ലിയെ കുറിച്ചും മൗഗ്ലിയുടെ കഥയുമെല്ലാം നമുക്കെല്ലാവര്ക്കും അറിയാം. എന്നാല്, മൗഗ്ലിയെപ്പോലെ കാടിന്റെ വളര്ത്തുപുത്രന്മാരായി മാറിയവര് യഥാര്ത്ഥ ജീവിതത്തിലും ഉണ്ടോ? ഉണ്ട് എന്നാണ് പറയുന്നത്. ദിന സനിചര് അതിലൊരാളാണ്. 'ഇന്ത്യന് വോള്ഫ് ബോയ്' എന്നറിയപ്പെടുന്ന സനിചര് ജീവിച്ചിരുന്നത് പത്തൊമ്പതാം നൂറ്റാണ്ടിലാണ്. അവനെ വളര്ത്തിയതാകട്ടെ ചെന്നായകളും. ദ ജംഗിള് ബുക്ക് യഥാര്ത്ഥത്തില് സനിചറിന്റെ കഥയാണ് എന്നുവരെ വിശ്വസിക്കുന്നവരുണ്ട്. എന്നാല്, കഥകളില് കാണുന്നത്രയും മനോഹരമൊന്നുമായിരിക്കില്ല യഥാര്ത്ഥത്തില് കാടിനുള്ളിലെ ജീവിതം.
1872 -ല് ഉത്തര് പ്രദേശില് വേട്ടയാടാന് ചെന്ന ഒരുകൂട്ടം പേരാണ് സനിചറിനെ കണ്ടെത്തുന്നത്. അവര് കാണുമ്പോള് അവന് നാലുകാലുകളിലെന്നപോലെ കൈകളും കാലുകളുമുപയോഗിച്ച് ചെന്നായക്കൂട്ടത്തിന് പിന്നാലെ പോവുകയായിരുന്നു. വേട്ടക്കാരെ കണ്ട് അപകടം മണത്തതോടെ അവര് ഒരു ഗുഹയില് കയറിയിരുന്നു. എന്നാല്, കുട്ടിയെ രക്ഷപ്പെടുത്തണം എന്ന് തീരുമാനിച്ച വേട്ടക്കാര് അതിന് തീയിട്ടു. രക്ഷയില്ലാതെ ചെന്നായകളും സനിചറും പുറത്തേക്ക് ചാടിയപ്പോള് അവര് ചെന്നായകളെ വധിക്കുകയും അവനെ കൂടെക്കൊണ്ടുപോകാന് തീരുമാനിക്കുകയും ചെയ്തു.
1872 -ല് ഉത്തര് പ്രദേശില് വേട്ടയാടാന് ചെന്ന ഒരുകൂട്ടം പേരാണ് സനിചറിനെ കണ്ടെത്തുന്നത്. അവര് കാണുമ്പോള് അവന് നാലുകാലുകളിലെന്നപോലെ കൈകളും കാലുകളുമുപയോഗിച്ച് ചെന്നായക്കൂട്ടത്തിന് പിന്നാലെ പോവുകയായിരുന്നു. വേട്ടക്കാരെ കണ്ട് അപകടം മണത്തതോടെ അവര് ഒരു ഗുഹയില് കയറിയിരുന്നു. എന്നാല്, കുട്ടിയെ രക്ഷപ്പെടുത്തണം എന്ന് തീരുമാനിച്ച വേട്ടക്കാര് അതിന് തീയിട്ടു. രക്ഷയില്ലാതെ ചെന്നായകളും സനിചറും പുറത്തേക്ക് ചാടിയപ്പോള് അവര് ചെന്നായകളെ വധിക്കുകയും അവനെ കൂടെക്കൊണ്ടുപോകാന് തീരുമാനിക്കുകയും ചെയ്തു.