മനസ്സാക്ഷിയെ നടുക്കുന്ന ചിത്രങ്ങൾ, ഇത് കണ്ട് മനസലിയാത്തവർ മനുഷ്യരല്ല!
First Published Feb 1, 2021, 1:53 PM IST1941 നും 1945 നും ഇടയിൽ അഡോൾഫ് ഹിറ്റ്ലറുടെ സൈന്യം കൊലപ്പെടുത്തിയ ആറ് മില്യൺ ജൂതന്മാരിൽ ഓസ്വിസിം പട്ടണത്തിനടുത്തുള്ള ഓഷ്വിറ്റ്സ്-ബിർകെനോ ക്യാമ്പിലെ നിരപരാധികളും ഉൾപ്പെടുന്നു. അവരുടെ ജീവിതം ഹോളോകാസ്റ്റ് മെമ്മോറിയൽ ദിനമായ ജനുവരി 27 -ന് അനുസ്മരിക്കപ്പെട്ടു. ഹിറ്റ്ലറിന്റെ എസ്എസ് ഗാർഡുകൾ എടുത്ത അപൂർവ ഫോട്ടോകളിൽ ഹംഗേറിയൻ ജൂതന്മാർ ക്യാമ്പിൽ വന്നതും, 1944 -ൽ അവരെ കൊണ്ടുവരാൻ പ്രത്യേകമായി നിർമ്മിച്ച റെയിൽ പാതകളും, ഗ്യാസ് ചേമ്പറുകളിലേക്ക് നടക്കാൻ കാത്തിരുന്ന അവരുടെ നീണ്ട നിരകളും ഉൾപ്പെടുന്നു. 1944 -ലെ വേനൽക്കാലത്ത് മൂന്നുമാസത്തിനുള്ളിൽ 400,000 ഹംഗേറിയൻ ജൂതന്മാരാണ് ക്രൂരമായി കൊലചെയ്യപ്പെട്ടത്. സൈനിക ചരിത്രകാരനായ ഇയാൻ ബാക്സ്റ്റർ എഴുതിയതും പെൻ ആൻഡ് സ്വോർഡ് പ്രസിദ്ധീകരിച്ചതുമായ പുസ്തകത്തിൽ "Hitler's Death Camps in Occupied Poland - Rare Photographs from Wartime Archives" -ൽ ഈ ചിത്രങ്ങൾ ഉൾകൊള്ളുന്നു. അന്ന് നടന്ന ക്രൂരതയുടെ നേർക്കാഴ്ചയാണ് ഈ ചിത്രങ്ങൾ.