തുര്‍ക്കിയില്‍ നിന്ന് ഇംഗ്ലണ്ടിലേക്ക്; 8000 കിലോമീറ്റര്‍ നടന്ന് ലിറ്റില്‍ അമല്‍ !
First Published Oct 25, 2021, 11:00 AM ISTഅറബിയില്‍ 'പ്രതീക്ഷ' എന്നര്‍ത്ഥമുള്ള 'അമല്‍' എന്ന പേരുമായി 3.5 മീറ്റര്‍ ഉയരമുള്ള പാവ 'ലിറ്റില്‍ അമല്‍' (Little Amal) തുര്‍ക്കി സിറിയന്‍ അതിര്‍ത്തിയില്‍ നിന്ന് നടന്ന് നടന്ന് 8000 കിലോമീറ്റര്‍ പിന്നിട്ട് ഇന്നലെ ഇംഗ്ലണ്ടിലെത്തി. സെന്‍റ് പോൾസ് കത്തീഡ്രല്‍ അമലിന് നല്‍കിയ സ്വീകരണത്തില്‍ "അമല്‍, അമല്‍, അമല്‍" വിളികളുമായി കുട്ടികള്‍ പിന്നാലെ കൂടി. ഹാൻഡ്സ്പ്രിംഗ് പപ്പറ്റ് കമ്പനി നിര്‍മ്മിച്ച 'ലിറ്റിൽ അമൽ' , 'ദ വാക്ക്' (the walk) എന്ന അന്താരാഷ്ട്ര കലാപരിപാടിയുടെ ഭാഗമായാണ് ലണ്ടനിലെത്തിയത്. സ്വന്തം സുരക്ഷയ്ക്കായി ജനച്ച നാടും വീടും കുടുംബത്തേയും ഉപേക്ഷിച്ച് അന്യരാജ്യത്തേക്ക് കുടിയേറേണ്ടിവരുന്ന കുട്ടികളുടെ പ്രതിനിധിയാണ് ലിറ്റില്‍ അമല്‍ എന്ന് ഹാൻഡ്സ്പ്രിംഗ് പപ്പറ്റ് കമ്പനി ( The Handspring Puppet Company) പറയുന്നു. ആ കുരുന്നുകളുടെ പ്രതീക്ഷയാണ് 'അമല്‍'.