ട്രിപ്പിന്റെ മൂഡ് പോകാൻ ഇവ ധാരാളം! ഹോട്ടലിൽ ചെക്ക് ഇൻ ചെയ്യുന്നതിന് മുമ്പ് അറിഞ്ഞിരിക്കേണ്ട 7 കാര്യങ്ങൾ

യാത്രകൾക്കായി ഹോട്ടൽ ബുക്ക് ചെയ്യുമ്പോൾ ചെക്ക്-ഇൻ സമയത്ത് പലരും പലതരത്തിലുള്ള ബുദ്ധിമുട്ടുകളും നേരിടാറുണ്ട്. അതിനാൽ ട്രിപ്പിന്റെ മൂഡ് തുടക്കത്തിൽ തന്നെ നഷ്ടമായേക്കാം. ഇത് ഒഴിവാക്കാൻ ചെറിയ ചില കാര്യങ്ങൾ മാത്രം ശ്രദ്ധിച്ചാൽ മതി 

ചെക്ക് - ഇൻ & ചെക്ക് - ഔട്ട്

ചെക്ക് - ഇൻ, ചെക്ക് - ഔട്ട് സമയങ്ങളെ കുറിച്ച് കൃത്യമായി അറിഞ്ഞിരിക്കണം. പല ഹോട്ടലുകളും നേരത്തെ ചെക്ക് - ഇൻ, അല്ലെങ്കിൽ വൈകി ചെക്ക് - ഔട്ട് ചെയ്താൽ അധിക ചാർജുകൾ ഈടാക്കാറുണ്ട്.

സൗകര്യങ്ങൾ ഉറപ്പാക്കുക

എല്ലാ ഹോട്ടൽ റൂമുകളിലും വൈഫൈ, എസി, ബാൽക്കണി തുടങ്ങിയ സൗകര്യങ്ങൾ ഉണ്ടായിരിക്കണമെന്നില്ല. നിങ്ങൾക്ക് വേണ്ട സൗകര്യങ്ങൾ റൂമിലുണ്ടോ എന്ന കാര്യം നേരത്തെ ഉറപ്പാക്കുക.

ഹോട്ടലിന്റെ ലൊക്കേഷൻ

ഹോട്ടലിന്റെ ലൊക്കേഷനും വളരെ പ്രധാനമാണ്. എയർപോർട്ട്, റെയിൽവേ സ്റ്റേഷൻ, ബസ് സ്റ്റാൻഡ് എന്നിവ അടുത്ത് തന്നെയുണ്ടോ എന്ന് അന്വേഷിച്ചാൽ ഹറി ബറി ഒഴിവാക്കാം.

ഫ്രീ ക്യാൻസലേഷനും റീഫണ്ടും

യാത്ര പദ്ധതികളിൽ മാറ്റമുണ്ടായാൽ ഫ്രീ ക്യാൻസലേഷൻ, റീഫണ്ട് എന്നിവയുമായി ബന്ധപ്പെട്ട കാര്യങ്ങളും നേരത്തെ ചോദിച്ചറിയണം.

സർവീസ് ചാർജുകൾ

പലയിടത്തും റിസോർട്ട് ഫീസ്, സർവീസ് ചാർജുകൾ, ടാക്സ് എന്നിവ ഈടാക്കാറുണ്ട്. ആദ്യം തന്നെ ഇക്കാര്യങ്ങളിൽ വ്യക്തത വരുത്തുന്നത് നന്നായിരിക്കും.

അധിക ചാര്‍ജുകൾ

ബ്രേക്ക്ഫാസ്റ്റ്, വൈഫൈ, പാർക്കിംഗ് തുടങ്ങിയ സൗകര്യങ്ങളുണ്ടോ എന്ന കാര്യം മുൻകൂട്ടി ചോദിച്ചറിയണം. ഇല്ലെങ്കിൽ ചെക്ക് - ഇൻ സമയത്ത് അധിക ചാർജുകൾ നൽകേണ്ടി വന്നേക്കാം.

വൃത്തിയും സുരക്ഷിതത്വവും

ഒരു ഹോട്ടൽ ബുക്ക് ചെയ്യുന്നതിന് മുമ്പ് കസ്റ്റമർ റിവ്യൂസ് പരിശോധിക്കണം. വൃത്തിയുടെയും സുരക്ഷിതത്വത്തിന്റെയും കാര്യത്തിൽ ഒരിക്കലും വിട്ടുവീഴ്ച ചെയ്യാൻ പാടില്ല.