ഐടി ജോലി ; 80 ശതമാനം പേരിലും ഈ ജീവിതശെെലി രോഗം പിടിപെടുന്നെന്ന് പഠനം

ജീവിതശൈലിയിലെ മോശം ശീലങ്ങളാണ് ഫാറ്റി ലിവർ രോഗത്തിന് ഇടയാക്കുന്നത്. വ്യായാമക്കുറവ്, മണിക്കൂറുകളോളം ഇരുന്നുള്ള ജോലി, ഉറക്കക്കുറവ്, ഭക്ഷണക്രമക്കേട്, സമ്മർദ്ദം തുടങ്ങിയവ ഈ രോ​ഗത്തിനുള്ള സാധ്യത കൂട്ടുന്നു. 

ഇന്ത്യയിലെ 80 ശതമാനം ഐടി ജീവനക്കാരെ ഫാറ്റി ലിവർ രോ​ഗം ബാധിച്ചിട്ടുള്ളതായി പുതിയ പഠനം.  ഹൈദരാബാദ് സർവകലാശാലയിലെ ​ഗവേഷകർ നടത്തിയ പഠനത്തിലാണ് ഇതിനെ കുറിച്ച് പറയുന്നത്.  ഐടി ജീവനക്കാരെ മെറ്റബോളിക് ഡിസ്ഫംഗ്ഷൻ-അസോസിയേറ്റഡ് ഫാറ്റി ലിവർ ഡിസീസ് (എംഎഎഫ്എൽഡി)2 ബാധിച്ചിട്ടുള്ളതായി ​ഗവേഷകർ പറയുന്നു. 

' കരളിൽ വളരെയധികം കൊഴുപ്പ് അടിഞ്ഞുകൂടുകയും അവയവത്തിന് കേടുപാടുകൾ വരുത്തുകയും ചെയ്യുന്ന ഒരു അവസ്ഥയാണിത്.  നോർമൽ ബിഎംഐ ആയിരുന്നിട്ടും പോലും ചില ആളുകളെ ഈ രോ​ഗം ബാധിക്കുന്നു...' - സാൻഡ്ര ഹെൽത്ത്കെയറിലെ പ്രമേഹശാസ്ത്ര മേധാവിയും രംഗ് ഡി നീല ഇനിഷ്യേറ്റീവിന്റെ സഹസ്ഥാപകനുമായ ഡോ. രാജീവ് കോവിൽ പറയുന്നു.

' ശരീരത്തിലെ ഏറ്റവും വലിയ ആന്തരിക അവയവമാണ് കരൾ. രക്തം വൃത്തിയാക്കുക, ഊർജ്ജം സംഭരിക്കുക, ദഹനത്തെ സഹായിക്കുക എന്നിവയാണ് കരളിന്റെ ജോലികൾ. ചിലപ്പോൾ അവയവത്തിൽ കൊഴുപ്പ് അടിഞ്ഞുകൂടുമ്പോൾ അത് തകരാറിലാകുന്നു. അപകടകരമായ അളവിൽ എത്തുമ്പോൾ ഫാറ്റി ലിവർ എന്ന് വിളിക്കുന്നു. കരൾ പതിവിലും കൂടുതൽ കൊഴുപ്പ് സംഭരിക്കുമ്പോൾ, അത് കൂടുതൽ വീക്കം സംഭവിക്കാം. ഇത് കരൾ തകരാറുകൾ ഉൾപ്പെടെയുള്ള ഗുരുതരമായ സങ്കീർണതകൾക്ക് കാരണമാകും...' -  മുംബൈയിലെ ഗ്ലെനീഗിൾസ് ആശുപത്രിയിലെ ഗ്യാസ്ട്രോഎൻട്രോളജി ഡയറക്ടറും സീനിയർ കൺസൾട്ടന്റുമായ ഡോ. മേഘ്‌രാജ് ഇംഗ്ലേ പറഞ്ഞു. 

 ഫാറ്റി ലിവർ രോഗം ഒരു നിശബ്ദ പകർച്ചവ്യാധിയാണ്. ലോകമെമ്പാടും ഏകദേശം 30 ശതമാനം ആളുകളിൽ ഫാറ്റി ലിവർ അനുഭവിക്കുന്നു. നഗരപ്രദേശങ്ങളിലെ ഇന്ത്യക്കാർക്ക് ഈ രോഗം കൂടുതലാണ്. ജീവിതശൈലിയിലെ മോശം ശീലങ്ങളാണ് ഫാറ്റി ലിവർ രോഗത്തിന് ഇടയാക്കുന്നത്. വ്യായാമക്കുറവ്, മണിക്കൂറുകളോളം ഇരുന്നുള്ള ജോലി, ഉറക്കക്കുറവ്, ഭക്ഷണക്രമക്കേട്, സമ്മർദ്ദം തുടങ്ങിയവ ഈ രോ​ഗത്തിനുള്ള സാധ്യത കൂട്ടുന്നു. 71 ശതമാനം ഐടി ജീവനക്കാരും അമിതവണ്ണമുള്ളവരാണ്. ലോകമെമ്പാടുമുള്ള ജീവിതശൈലിയുമായി ബന്ധപ്പെട്ട രോഗങ്ങളാണ് മരണകാരണം. കാരണം അവയിൽ ഹൃദ്രോഗങ്ങൾ, ശ്വസന പ്രശ്നങ്ങൾ, പ്രമേഹം, വൃക്കരോഗങ്ങൾ, കാൻസർ എന്നിവ ഉൾപ്പെടുന്നു. ചെറുപ്പക്കാർക്കിടയിൽ കാൻസർ കേസുകൾ കുത്തനെ വർദ്ധിച്ചുവരികയാണെന്നും വിദ​ഗ്ധർ പറയുന്നു.

അൾട്രാ-പ്രോസസ്ഡ് ഭക്ഷണങ്ങൾ, ഉയർന്ന പഞ്ചസാര ഉപഭോഗം, ഉദാസീനമായ ജീവിതശൈലി എന്നിവ കരളിന്റെ ആരോഗ്യത്തെ ബാധിക്കാം.  വീട്ടിൽ പാകം ചെയ്യുന്ന ഭക്ഷണങ്ങൾ ‌കഴിക്കുന്നതാണ് എപ്പോഴും ആരോ​ഗ്യത്തിന് നല്ലത്. ഇത് കരളിൽ കൊഴുപ്പ് അടിഞ്ഞുകൂടുന്നതിന് കാരണമാകുന്നു. 

ഫാറ്റി ലിവർ സാധ്യത കുറയ്ക്കാൻ ചെയ്യേണ്ട കാര്യങ്ങൾ

1. ഭക്ഷണത്തിൽ ധാരാളം പഴങ്ങൾ, പച്ചക്കറികൾ, ധാന്യങ്ങൾ, നട്സ്, വിത്തുകൾ, പയർവർഗ്ഗങ്ങൾ എന്നിവ ഉൾപ്പെടുത്തുക.

2. വ്യായാമങ്ങൾ പതിവാക്കുക. വേഗത്തിലുള്ള നടത്തം ഇൻസുലിൻ സംവേദനക്ഷമത മെച്ചപ്പെടുത്താനും കരളിലെ കൊഴുപ്പ് കുറയ്ക്കാനും സഹായിക്കുന്നു.

3. ആരോ​ഗ്യകരമായ ഭാരം നിലനിർത്തുക.

4. പഞ്ചസാര അടങ്ങിയ പാനീയങ്ങൾ ഉൾപ്പെടെയുള്ള സംസ്കരിച്ചതോ, പായ്ക്ക് ചെയ്തതോ, ജങ്ക് ഫുഡുകളോ കർശനമായി ഒഴിവാക്കുക. ഇത്  കരളിൽ കൊഴുപ്പ് അമിതമായി അടിഞ്ഞുകൂടുന്നത് കുറയ്ക്കാൻ സഹായിക്കും.

5. മദ്യം പരിമിതപ്പെടുത്തുക അല്ലെങ്കിൽ ഉപേക്ഷിക്കുക

6.  കരളിന്റെ ആരോഗ്യവും പുരോഗതിയും നിരീക്ഷിക്കുന്നതിന് പതിവായി ആരോഗ്യ പരിശോധനകളും സ്‌ക്രീനിങ്ങും നടത്തേണ്ടത് അത്യന്താപേക്ഷിതമാണ്.