എപ്പോഴും വയറ് വീർത്തിരിക്കുന്നത് ഈ ക്യാന്സറിന്റെ ലക്ഷണമാകാം...
Synopsis
സംസ്കരിച്ച ഭക്ഷണങ്ങള്, ജങ്ക് ഫുഡ് തുടങ്ങിയവയുടെ ഉപഭോഗം പരിമിതപ്പെടുത്തുക. പകരം പച്ചക്കറികള്, സിട്രസ് പഴങ്ങള്, വിറ്റാമിന് സിയും ആന്റിഓക്സിഡന്റുകളും അടങ്ങിയ ഭക്ഷണങ്ങളും ഡയറ്റില് ഉള്പ്പെടുത്തുക.
എപ്പോഴും വയറ് വീർത്തിരിക്കുന്നത് പല ആരോഗ്യ പ്രശ്നവുമായി ബന്ധപ്പെട്ടിരിക്കുന്നു. ചിലപ്പോള് ദഹനപ്രശ്നം മൂലമാകാം ഗ്യാസ് നിറഞ്ഞ് വയര് വീര്ത്തുകെട്ടുന്നത്. എന്നാല് വയറിലെ അര്ബുദം മൂലവും വയറ് വീർത്തിരിക്കുമെന്നാണ് ആരോഗ്യ വിദഗ്ധര് പറയുന്നത്. വയറിലെ കോശങ്ങള് നിയന്ത്രണമില്ലാതെ വളരാന് തുടങ്ങുന്നതിനെയാണ് ഗാസ്ട്രിക് ക്യാന്സര് അഥവാ വയറിലെ അര്ബുദം എന്ന് പറയുന്നത്. മാറിയ ജീവിതശൈലിയും ഭക്ഷണരീതിയും ഈ ക്യാന്സറിനെ സ്വാധീനിക്കുന്ന ഘടകമാണ്. പലപ്പോഴും ഈ അര്ബുദ്ദം വൈകിയ വേളയിലാണ് തിരിച്ചറിയപ്പെടുക.
എപ്പോഴുമുള്ള അസിഡിറ്റിയും ഛർദ്ദിയും വയറിലെ ക്യാന്സറിന്റെ സൂചനയാകാം. അതുപോലെ വയര് വീര്ത്തിരിക്കുക, ദഹനക്കേട്, ഭക്ഷണം വിഴുങ്ങാൻ ബുദ്ധിമുട്ട്, ചെറിയ അളവില് ഭക്ഷണം കഴിക്കുമ്പോള് തന്നെ വയര് നിറഞ്ഞതായി തോന്നുക, വയറുവേദന, നെഞ്ചെരിച്ചിൽ, വിശപ്പില്ലായ്മ, ഭാരം പെട്ടെന്ന് കുറയുക, ക്ഷീണം, വയറിലെ നീർവീക്കം, കറുത്ത നിറമുള്ള വസ്തുക്കളോ രക്തമോ ഛർദ്ദിക്കുക, കറുത്ത നിറമുള്ള മലം, മലത്തിലൂടെ രക്തം പോവുക, മലബന്ധം തുടങ്ങിയവയാണ് വയറിലെ അര്ബുദത്തിന്റെ ലക്ഷണങ്ങള് .
വയറിലെ ക്യാന്സര് സാധ്യത കുറയ്ക്കാന് ഭക്ഷണത്തില് ശ്രദ്ധിക്കേണ്ട കാര്യങ്ങള്...
ഗാസ്ട്രിക് ക്യാന്സറിനുള്ള സാധ്യതകള് കുറയ്ക്കാന് ആരോഗ്യകരമായ ഭക്ഷണശീലങ്ങള് പിന്തുടരണം. സംസ്കരിച്ച ഭക്ഷണങ്ങള്, ജങ്ക് ഫുഡ് തുടങ്ങിയവയുടെ ഉപഭോഗം പരിമിതപ്പെടുത്തുക. പകരം പച്ചക്കറികള്, സിട്രസ് പഴങ്ങള്, വെളുത്തുള്ളി തുടങ്ങിയവ കഴിക്കുക. കൂടാതെ. വിറ്റാമിന് സിയും ആന്റിഓക്സിഡന്റുകളും അടങ്ങിയ ഭക്ഷണങ്ങളും ഡയറ്റില് ഉള്പ്പെടുത്തുക.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
Also read: ദിവസവും ഉച്ചയ്ക്ക് തൈര് കഴിക്കൂ; അറിയാം ഈ ഗുണങ്ങള്...