അമിതവണ്ണം കുറയ്ക്കാൻ സഹായിക്കുന്ന രുചികരമായ ഒരു ഡിറ്റോക്സ് ഡ്രിങ്ക്

ഈ പാനീയം ഉണ്ടാക്കാൻ വളരെ കുറച്ച് ചേരുവകൾ മാത്രം മതിയാകും. രണ്ട് കഷ്ണം വെള്ളരിക്ക,  മൂന്ന് സ്പൂൺ ഓറഞ്ച് ജ്യൂസ്, 3 സ്പൂൺ നാരങ്ങ ജ്യൂസ് , ഇഞ്ചി നീര് രണ്ട് സ്പൂൺ, കറുവപ്പട്ട പൊടിച്ചത് 1 സ്പൂൺ എന്നിവ ഒരു കപ്പ് വെള്ളത്തിൽ ചേർത്ത് മിക്സിയിൽ അടിച്ചെടുക്കുക. ശേഷം ഐസ് ക്യൂബ് ഇട്ടോ അല്ലാതെയോ കുടിക്കാവുന്നതാണ്. 

പലരിലും കണ്ട് വരുന്ന ആരോ​ഗ്യപ്രശ്നമാണ് അമിതവണ്ണം.  പലരുടെയും ആത്മവിശ്വാസം തകർക്കുന്ന അമിതവണ്ണം രോഗങ്ങൾക്ക് കാരണമാകുമെന്നത് ആശങ്കാജനകമാണ്. മാറിയ ജീവിതശൈലി ഉൾപ്പടെ പലകാരണങ്ങളാണ് അമിതവണ്ണത്തിന് പിന്നിൽ. എന്നാൽ കൃത്യമായ ഭക്ഷണക്രമവും വ്യായാമവും ചെയ്തിട്ടും പലർക്കും തങ്ങളുടെ അമിതവണ്ണം കുറക്കാൻ സാധിക്കാറില്ല.

അമിതവണ്ണം കുറയ്ക്കാൻ സഹായിക്കുന്ന ഒരു പാനീയത്തെ കുറിച്ചാണ് പോഷകാഹാര വിദഗ്ധൻ കിരൺ കുജ്‌ക്രേജ അടുത്തിടെ ഇൻസ്റ്റ​ഗ്രാമിൽ പങ്കുവച്ചത്. ഈ പാനീയം ഉണ്ടാക്കാൻ വളരെ കുറച്ച് ചേരുവകൾ മാത്രം മതിയാകും. രണ്ട് കഷ്ണം വെള്ളരിക്ക,  മൂന്ന് സ്പൂൺ ഓറഞ്ച് ജ്യൂസ്, 3 സ്പൂൺ നാരങ്ങ ജ്യൂസ് , ഇഞ്ചി നീര് രണ്ട് സ്പൂൺ, കറുവപ്പട്ട പൊടിച്ചത് 1 സ്പൂൺ എന്നിവ ഒരു കപ്പ് വെള്ളത്തിൽ ചേർത്ത് മിക്സിയിൽ അടിച്ചെടുക്കുക. ശേഷം ഐസ് ക്യൂബ് ഇട്ടോ അല്ലാതെയോ കുടിക്കാവുന്നതാണ്. 

നാരങ്ങ പോലുള്ള ചില ഘടകങ്ങൾ ഡിറ്റോക്സ് വെള്ളത്തിൽ ഉൾപ്പെടുത്തുന്നത് മെറ്റബോളിസം വർദ്ധിപ്പിക്കുന്നതിലും കൂടുതൽ കാര്യക്ഷമമായ കലോറി കത്തിക്കുന്നത് സുഗമമാക്കുന്നതിലും ഒരു പങ്ക് വഹിക്കും. ഇത് ശരീരഭാരം കുറയ്ക്കാനുള്ള ശ്രമങ്ങളെ സഹായിക്കുന്നു. 

നാരങ്ങയും ഇഞ്ചിയും പോലുള്ള ചേരുവകൾ ഉൾപ്പെടുത്തുന്നത് വിശപ്പ് കുറയ്ക്കാൻ സഹായിക്കുമെന്നും വിശപ്പ് കുറയ്ക്കുന്നതിലൂടെ അമിതമായി ഭക്ഷണം കഴിക്കുന്നതും അമിതമായ കലോറി ഉപഭോഗവും തടയാനും സഹായിക്കുന്നു. കൂടാതെ, ശരീരത്തിലെ വിഷവസ്തുക്കളെ നീക്കം ചെയ്യുന്നതിനും മൊത്തത്തിലുള്ള ആരോഗ്യം മെച്ചപ്പെടുത്തുന്നതിനും വീക്കം കുറയ്ക്കുന്നതിനും ശരീരഭാരം കുറയ്ക്കാനും ഈ പാനീയം സഹായിക്കുന്നു. ഫലപ്രദവും സുസ്ഥിരവുമായ ശരീരഭാരം കുറയ്ക്കാൻ കലോറി നിയന്ത്രിത ഭക്ഷണക്രമം പിന്തുടരുന്നത് നിർണായകമാണെന്ന് അദ്ദേഹം പറയുന്നു.